‘बाम एकता र बामपंथी सरकारले समाजवादमा जान भूमिका खेल्छ’: प्यूठानी नेताहरु

प्यूठान, मंसिर १३  । प्रतिनिधि सभा तथा प्रदेश सभाको निर्वाचनको मिति नजिकिए संगै जिल्लामा दल तथा उमेद्वारहरुले चुनावी प्रचार प्रसार अभियानलाई तिव्रता दिएका छन् ।

मंसिर २१ गते हुने निर्वाचनका लागि आफ्नो पक्षमा मत परिणाम पार्न उमद्वारले दौड धुप गरेका हुन् । यस वीच बाम गठबन्धनले मंगलवार खवागंमा भब्य रुपमा चुनावी सभा सम्पन्न गरेको छ।संयुक्त चुनाव प्रचार प्रचार संयोजक कमल घर्तिको अध्यक्षतामा वडा स्तरिय चुनावी सभा गरेको हो ।

प्रमुख अतिथि प्रतिनिधि सभाका उमेद्वार दुर्गा पौडेल, विशेष अतिथि माओादी केन्द्रकी नेतृ तथा प्रतिनिधि सभा समानुपातिक उमेद्वार रेखा शर्मा, अन्य समानुपातिक उमेद्वारहरु भोज विक्रम बुढामगर, राधा अधिकारी, राम बहादुर बुढामगर, चुनाव प्रचारप्रसार समिति सदस्य भरत केसी, दलित आयोगका सदस्य वेगम बि.क.ले सभालाई सम्बोधन गरेका छन् ।

सभालाई सम्बोधन गर्दै प्रमुख अतिथि दुर्गा पौेडेलले साझा प्रतिवद्धता सहित आफु चुनवी मैदानमा आएको भन्दै साझा उमेद्वार सम्झेर मतदान गर्न अपिल गरे । स्थिर सरकार, राष्ट्रियताको संरक्षण बाम गठबन्धनको जित विना खतरामा पर्ने दावी गरे ।

नेपालका कम्युनिष्टको झगडाले विदेश विस्तारवादी तत्वहरु नेपालका लोकतान्त्रिक शक्ति भनिनेहरुसंग मिलेर हस्तक्षेप गर्न खोजेको भन्दै बाम एकताले त्यस्को अन्त्य हुने बताए ।

माओवादी केन्द्रकी नेतृ तथा प्रतिनिधि सभा समानुपातिक उमेद्वार रेखा शर्माले आगामी ५ बर्ष पछि प्यूठानको विकासमा परिवर्तन र कम्युनिष्टहरुको एउटै चुनाव चिन्ह लिएर चुनावी मैदानमा आउने ठोकुवा गरिन ।

समानुपातिक सांसद रहेकी शर्माले यस अघि जनताको म्याण्डेट अनुसार समाजवाद उन्मुख संविधान दिएर फेरी समानुपातिक उमेद्वारको रुपमा आएको भन्दै अव आर्थिक विकास र महिला सशक्तीकरणमा लाग्ने बतार्इन । ‘समाजवाद उन्मुख संविधान दिएर आएका छौँ’ शर्माले भन्नु भयो ‘अव बाम एकता र बाम पंथीको २ तिहाई बहुतिय सरकारले स्थिर सरकारसंगै समाजवादमा जान अह्म भूमिका खेल्ने छ’ ।

राजनितिक लडाई सम्पन्न भएको र अव आर्थिक क्रान्तिमा लाग्ने समय आएको समेत उनको भनाई छ।

एमालेका नेता तथा प्रतिनिधि सभा समानुपातिक उमेद्वार भोज विक्रम बुढामगर लगायत अन्य बक्तहरुले प्यूठानका विकट गाउँका समस्या हल गर्न आफुहरु लागि पर्ने बताएका छन् ।

रक्सी र दाममा भोट बेच्न नहुने भन्दै यदि साटे आफ्नो स्वाभिमान र विवेकको विक्रि गरेको हुने उनीहरुले बताउछन् ।

यस्तै मंगलवार बाम गठबन्धनले गौमुखी गाउँपालिकाको ठुलावेशी, खैरा कुमीकोट,पुण्यखोलामा घरदैलो अभियान, जुम्रीकाढामा समेत कार्यक्रम गरेको जनाएको छ ।

माओवादी केन्द्रका नेता मणि थापाले प्यूठान नगरपालिका ९ गुरीगाउँमा आयोजित चुनावी प्रचार प्रसार कार्यक्रममा विभिन्न पाटी परित्याग गराई माओवादी केन्द्रमा प्रवेश गराए । नेपाली काँग्रेस, राप्रपा परित्याग गरी माओवादी केन्द्रमा प्रवेश गरेका हुन् ।

माओवादी केन्द्रका प्रतिनिधि सभा सदस्यका समानुपातिक उम्मेद्वार मणि थापाले विभिन्न पाटि परित्याग गर्ने नेता कार्यकर्तालाई स्वागत गर्दै टीका लगाएर पाटि प्रवेश गराए ।

यी हुन् प्रवेश गर्नेहरु काँग्रेसबाट पदम थापा , डिलाराम पराजुली, हरि राउत, मान व थापा, हरि थापा, अर्जुन केसी स्वतन्त्र उम ब केसी राप्रपाबाट मिना गिरी , विस्न व विस्ट, भरत व बस्नेत, कमल व बस्नेत, बोम व खड्का, मान व बस्नेत, कृष्ण अधिकारी, विना विस्ट क्रान्तिकारी माओवादी मेघ ब केसी ।

कमेन्ट गर्नुहोस्

%d bloggers like this: