बमको जिम्मा लिएकाे विप्लव समूहले आजदेखि नपड्काउने !

काठमाडौं, मंसिर २२ ।  नेत्रविक्रम चन्द ‘विप्लव’ नेतृत्वको नेकपाले चुनावका क्रममा भएका बम विष्फोटका घटनाको जिम्मेवारी लिँदै आजबाट बम हमला रोकिने जनाएको छ । बम बिष्फोटनलाई प्रतिरोधका घटना भन्दै सो पार्टीले मतदान सकिएपछि बम बिष्फोटनका सबै कार्यक्रम फिर्ता हुने जनाएको हो ।

विप्लव नेतृत्वको नेकपाका पोलिटब्यूरो सदस्य ओमप्रकाश पुनले भने– ‘देशभर प्रतिरोधका घटना हाम्रो नेतृत्वमा भएका हुन्, चुनाव खारेजी अभियानको नेतृत्व हामीले गरेको हुनाले सबै घटनाको जिम्मा हामी लिन्छौं ।’

याे पनि पढ्नुस  प्रहरी र विप्लपका कार्यकर्ताबीच दोहोरो झडप

बम विष्फोटनमा एक म्यादी प्रहरीको मृत्यु भएको तथा निर्दोष सर्वसाधारण तथा उम्मेदवारहरुको ज्यान लिने प्रयास भएको सन्दर्भमा विप्लब समूहले कुनै आत्मालोचना गर्न चाहेको छैन ।

सो समूहका नेता पुनले प्रतिरोध अभियानका क्रममा कतिपय त्यस्ता घटना भएको हुन सक्ने बताए ।

याे पनि पढ्नुस  विप्लवकाे अान्दाेलन : जासुसी कार्यालय बन्द गर्न चेतावनी (विज्ञप्तिसहित)

उनले वम विष्फोटनका घटनामा भगौडा सुरक्षाकर्मीहरुको पनि सहभागिता रहेको स्वीकार गरे ।

तर, युद्धकालमा माओवादीकै आह्वानमा सेना प्रहरीको जागिर छाडेर जनयुद्धलाई सघाएकाहरुलाई भगौडा भन्न नमिल्ने पुनको तर्क छ ।

उनले भने– ‘हिजो प्रचण्ड र वर्षमान पुनहरुकै आह्वानमा जागिर छाडेर जनयुद्धलाई सघाएका सेना प्रहरीलाई भगौडा भन्न मिल्दैन । उनीहरु अहिले प्रतिरोध अभियानमा छन्, बम विष्फोटनका घटना आज साँझदेखि रोकिनेसमेत उनले प्रष्ट पारे ।

याे पनि पढ्नुस  अपडेट : विप्लवको बन्द - काठमाडौंमा सामान्य प्रभाव, अन्यत्र सुनसान

कमेन्ट गर्नुहोस्