सरकार आज प्रदेश प्रमुख र अस्थायी मुकाम तोक्दै, यी हुन सम्भावित नाम

काठमाडौं, माघ २ । सरकारले आज प्रदेश प्रमुख र प्रदेशको अस्थायी राजधानी तोक्ने तयारी गरेको छ । प्रदेश प्रमुख र अस्थायी मुकाम तोक्न मन्त्रिपरिषदको बैठक अपरान्ह बस्दै
छ ।

प्रदेश र प्रतिनिधिसभाको निर्वाचन सम्पन्न भएको ४० दिनसम्म पनि प्रदेश प्रमुख र अस्थाई मुकाम तोक्न नसकेको भन्दै सरकारको आलोचना भईरहेका बेला मन्त्रीपरिषदको आज बैठकले यसबारे निर्णय गर्न लागेको हो ।

मन्त्रिपरिषद बैठक प्रधानमन्त्री निवास बालुवाटार अपरान्ह साढे ४ वजे बस्दैछ । प्रदेश प्रमुखको नियुक्ती र अस्थायी मुकाम तोक्ने विषयमा आजको मन्त्रिपरिषद बैठकले निर्णय गर्ने कानून मन्त्री यज्ञवहादुर थापाले जानकारी दिएका छन् ।

देश प्रमुख नियुक्ती र अस्थायी मुकाम तोक्न विलम्व हुँदा निर्वाचन आयोगले प्रदेश सभातर्फको अन्तिम मत परिणाम सार्वजनिक गर्न सकेको छैन ।

प्रदेशतर्फको सम्पूर्ण मतपरिणाम सार्वजनिक भएको १ हप्ताभित्रमा जनप्रतिनीधिले प्रदेश प्रमुखबाट सपथ खानुपर्ने संवैधानिक व्यवस्था छ ।

अस्थायी मुकामका लागि यी नाम चर्चामा छन्ः प्रदेश नंं १ को विराटनगर, प्रदेश नंं २ को जनकपुर, प्रदेश नंं ३ को भक्तपुरको ठिमी, प्रदेश नंं ४ को पोखरा, प्रदेश नंं ५ को दाङ, प्रदेश नंं ६ को सुर्खेत र प्रदेश नंं ७ को धनगढी अस्थायी राजधानीका लागि प्रस्ताव गरिएका छन् ।

प्रदेश प्रमुखका लागि यसअघि चर्चा गरिएका नाम यस्ता छन्ः त्रिविका पूर्वउपकुलपति केदारभक्त माथेमा, पूर्वप्रधानसेनापति रुक्मांगत कटवाल, सर्वोच्च अदालतका पूर्वन्यायाधीश रामनगिना सिंह, पूर्वप्रमुख निर्वाचन आयुक्त भोजराज पोखरेल र माइती नेपालकी अध्यक्ष अनुराधा कोइराला लगायतको नाम चर्चामा रहेको छ ।

तर सरकारले आज यीनै नामलाई निणर्य गर्छ वा नाम व्यक्तिलाई नियुक्त गर्छ त्यो थाहा पाउन भने साझसम्म पर्खनु पर्ने छ । यस अघि चर्चा गरिएका नाममा वाम गठबन्धनको असहमति रह्को छ ।

कमेन्ट गर्नुहोस्