राजनीतिमा ‘ब्रेक थ्रु’ गरे लगत्तै प्रचण्ड चितवन जाँदै

काठमाडौं, फागुन ८ । नेकपा माअाेवादि केन्द्रका अध्यक्ष पुषपकमल दाहाल प्रचण्ड अाज चितवन जाँदैछन् ।

कम्युनिस्ट राजनीतिमा ‘ब्रेक थ्रु’ गरे लगत्तै प्रचण्ड चितवन जान लागेका हुन् ।

नेपालका दुई शक्तिशाली कम्युनिस्ट पार्टी नेकपा एमाले-माओवादी केन्द्रले पार्टी एकताको औपचारिक घोषणा गरेका छन्।

हालै सम्पन्न निर्वाचनमा संसद्मा पहिलो र तेस्रो ठूलो दल बनेका यी दुवै पार्टीका अध्यक्षसहित एकता संयोजन समितिमा रहेका सबै नेताले एकताको सातबुँदे सहमतिपत्रमा हस्ताक्षर गर्दै सोमबार मध्यराति पार्टी एकता घोषणा गरेका हुन्।

याे पनि पढ्नुस  एमाले-माओवादी पार्टी एकता कार्यदलको प्रतिवेदन बन्दै

प्रधानमन्त्रीनिवास बालुवाटारमा बसेको एकता संयोजन समिति बैठकमा पार्टी नेतृत्व, कार्यदिशालगायत विषयमा सहमति जुटेपछि एउटै कम्युनिस्ट केन्द्र निर्माण गर्ने अठोटसहित नेताहरूले सहमतिपत्रमा हस्ताक्षर गरेका हुन्। एकतापछि एकीकृत पार्टीको नाम नेपाल कम्युनिस्ट पार्टी र निर्देशक सिद्धान्त माक्र्सवाद-लेनिनवाद बनाउने गरी दुई पार्टीले कम्युनिस्ट आन्दोलनकै इतिहासमा ‘आइस ब्रेक’ गरेका हुन्।

याे पनि पढ्नुस  जनप्रतिनिधिहरुकाे बधाई कार्यक्रममा प्रचण्डले संवाेधन गर्दै

कम्युनिस्ट पार्टी स्थापनाको ६८ वर्षको इतिहासमा एमाले-माओवादीको एकता ठूलो परिघटना हो। एकताको प्रारम्भिक आधारको सहमतिपत्रमा हस्ताक्षरपछि नेताहरूले यसलाई कम्युनिस्ट आन्दोलनमा मात्र नभई देशको सुशासन, स्थायित्व र विकासकै लागि ऐतिहासिक परिघटना भनेका छन्।

२००६ सालमा नेपाल कम्युनिस्ट पार्टी स्थापना भएको थियो। तर २०१९ सालको तेस्रो महाधिवेशनसँगै कम्युनिस्ट पार्टीमा विभाजनको शृंखला कोरिएपछि यी दुई पार्टीले फरक-फरक स्कुलिङमा पार्टी चलाउँदै आएका थिए। सोमबार एकताको घोषणा गरेका यी दुई पार्टीको ५५ वर्षपछि पुनर्मिलन भएको हो।

याे पनि पढ्नुस  चीन जानुपूर्व प्रचण्डको उद्घोष: पार्टी एकताको सबै काम दसैँअगावै

पुर्व प्रधानमन्त्री एबम चितवन क्षेत्र नम्बर ३ का सांसद समेत रहेका पुष्पकमल दाहाल प्रचण्डकाे प्रमुख आतिथ्यतामा अमर माध्यमिक विद्यालय भरतपुर -२२, पदमपोखरीको ६३ औं बार्षिकोत्सव तथा अभिभावक दिबस समारोहकाे अायाेजना गरिएकाे छ । साेही कार्यक्रममा सहभागीताका लागि प्रचण्ड चितवन जान लागेका हुन् ।

कमेन्ट गर्नुहोस्