उत्तर प्रदेशमा योगीलाई ठूलो झट्का, पूर्वमुख्यमन्त्री अखिलेशलाई सफलता

लखनऊ । उत्तर प्रदेशमा भएको उपचुनावमा सत्ताधारी भारतीय जनता पार्टी (भाजपा) पराजित भएको छ ।

साधु नेता योगी आदित्यनाथ मुख्यमन्त्री रहेको उत्तर प्रदेशमा भाजपालाई पराजित गर्दै पूर्वमुख्यमन्त्री अखिलेश यादव नेतृत्वको समाजवादी पार्टीले जीत हात पारेको हो । देशैभरि जीत हात पारिरहेको भाजपालाई योगीको प्रदेशमा झट्का लागेको छ । भारतीय पत्रिका नवभारत टाईम्सका अनुसार उत्तर प्रदेशको गोरखपुर र फूलपुरसहित ३ क्षेत्रमा भएको उपचुनावमा बिजेपी पराजित भएको हो ।

योगीलाई मोदीको विरासत सम्हाल्ने नेताका रुपमा समेत हेरिएको थियो । तर, गृहक्षेत्रमै बिजेपी पराजित भएपछि योगीको छविमाथि धक्का लागेको छ ।

गोरखपुर क्षेत्र बिजेपीले २९ वर्षदेखि जित्दै आएको लोकसभा क्षेत्र हो । मुख्यमन्त्री योगी आदित्यनाथको गृहक्षेत्रमै बिजेपी पराजित भएपछि योगीको छविमाथि कडा झट्का लागेको छ । गोरखपुरबाट योगी ५ पटक लगातार सांसद जितेका थिए । गोरखपुर योगीका गुरु गोरक्षनाथ पीठका महन्तको आस्थाको केन्द्र समेत हो ।

याे पनि पढ्नुस  जन्ती बनेर उत्तर प्रदेशका मुख्यमन्त्री आदित्यनाथ जनकपुर आउँदै

गोरखपुर उपचुनावमा योगीले धेरै प्रचार गरेका थिए । तर, त्यहाँ समाजवादी पार्टीले जितेको छ । यसको असर पूर्वी युपीमा हुने आगामी निर्वाचनमा समेत पर्ने अनुमान गरिएको छ । यूपीमा योगीको प्रभावका कारण उनलाई राष्ट्रिय नेताको रुपमा चिन्न थालिएको थियो । योगीलाई मोदीको विरासत सम्हाल्ने नेताका रुपमा समेत हेरिएको थियो । तर, गृहक्षेत्रमै बिजेपी पराजित भएपछि योगीको छविमाथि धक्का लागेको छ ।

याे पनि पढ्नुस  जन्ती बनेर उत्तर प्रदेशका मुख्यमन्त्री आदित्यनाथ जनकपुर आउँदै

योगीको गृहक्षेत्रमै जीत हात पारेपछि प्रतिक्रिया दिँदै समाजवादी पार्टीका अध्यक्ष तथा पूर्वमुख्यमन्त्री अखिलेश यादवले मुख्यमन्त्री योगी आदित्यनाथकी भाषामा सुधार आउने आशा गरेका छन् । ‘यो जीत दलित र गरीबको जीत हो,’ यादवले भने । लखनऊमा सञ्चारकर्मीसँग कुराकानी गर्दै यादवले भने, ‘यो नतिजाले कम्तिमा मुख्यमन्त्रीको भाषामा सुधार आउने छ ।’

कमेन्ट गर्नुहोस्