नेपाली मुस्लिमहरुको अन्तर्राष्ट्रिय समाज गठन

दोहा, चैत्र  ३ । कतारको राजधानी दोहामा भएको मुस्लिम बुद्दिजिवीहरुको एक भेलाले अन्तर्राष्ट्रिय नेपाली मुस्लिम समाजको गठन गरेको छ।

वैदेसिक रोजगार लगायत विभिन्न कारणले विदेसमा रहेका नेपाली मुस्लिमहरुलाई एउटै थलोमा ल्याई संगठितरुपमा समुदाय तथा राष्ट्र सम्वृद्दिको अभियानमा सकृय रहन समाजको गठन प्रक्रिया बढाईएको अन्तर्राष्ट्रिय संयोजकमा चयन भएका प्रोफेसर रमजान अली मियाँले बताए।

समाज गठनको प्रारम्भिक पक्षलाई पुरा गरी आगामी शुक्रबार विशेष पत्रकार सम्मेलन मार्फत समाज गठन तथा उद्देश्यबारे प्रकाश पारिने नवगठित समितिका अध्यक्ष मुक्तदा मुसलमानले जानकारी दिएका छन्।

याे पनि पढ्नुस  बाग्लुङ सेवा समाज कतारद्वारा आर्थिक सहयोग

नेपाली मुस्लिम समुदाय विशेषगरि भाषा, भूगोल र रितिस्थितिका हिसाबले तीन फरक सभ्यतामा परापुर्व कालदेखी बसोबास रहँदै आएको यथार्थलाई मध्यनजर गरि समाजको ढाँचा निर्माण गरिने महासचिव मोहम्मद मजीद मियाँले बताए। उनले भने “भाषाको हिसाबले नेपाली मुस्लिम समुदाय मिथिला, अवध र मियाँ भाषी छन्, यसैलाई मध्यनजर गरि हामीले तीन उपाध्यक्षको अवधारणा सहित संगठन निर्माण गर्नेछौं।”

याे पनि पढ्नुस  शिक्षामन्त्री पोखरेलसँग कतार र मलेसियाका समकक्षीको भेटवार्ता

उक्त भेलाले प्रोफेसर रमजान अली मियाँलाई अन्तर्राष्ट्रिय संयोजक तोकेको छ।

कार्यसमितिमा मोहम्मद मुक्तदा मुसलमानको अध्यक्षतामा एक्काईस सदस्सीय प्रारम्भिक समिति चयन गरेको छ। जसमा उपाध्यक्षहरु अब्दुल करीम मियाँ, अख्तर हुसैन गद्दी, मौलाना अब्दुल खालीक रहेका छन्। महासचिवमा मोहम्मद मजीद मियाँ- सचिवमा अलिबाबु पौडेल र मोहम्मद तनवीर आलम, महिला संयोजकमा अमीना खान, अन्तर्राष्ट्रिय कोषाध्यक्षमा सोहैल अख्तर अन्सारी र सहकोषाध्यक्षमा रहमत हुसैन रहेका छन् ।

याे पनि पढ्नुस  दशै तिहारको अवसरपारी कतारमा बिबिध सांस्कृतिक कार्यक्रमको आयोजना

त्यसैगरी भेलाले करिम बक्स मियाँको संयोजकत्वमा सात सदस्सीय सल्लाहकार समिति चयन गरेको छ। सल्लाहकार समितिमा वरिष्ठ सल्लाहकार मोहम्मद हुसैन खान, सल्लाहकारहरुमा मोहम्मद अजीज अली, मोहम्मद याकुव राईन, मौलाना अयुब अली, र अब्दुल बासीद चयन भएका छन्।

कमेन्ट गर्नुहोस्