ट्रमा सेन्टरबाट हाम फालेर एक अमेरिकीले गरे आत्महत्या

काठमाडौं, चैत्र १८ । अवैध रुपमा नेपाल बसेको आरोपमा पक्राउ परेका अमेरिकी नागरिक जोन पारमाकले आइतबार साँझ वीर अस्पतालको ट्रमा सेन्टरबाट हाम फालेर आत्महत्या गरेको प्रहरीले बताएको छ ।

अवैध रुपमा बस्दै आएको आरोपमा उनलाई एक साताअघि पर्यटन प्रहरीले पक्राउ गरेको थियो। अध्यागमन विभागले उनीमाथि अनुसन्धान गरिरहेको थियो। अध्यागमन विभाग हिरासतमै उनले बिहिबार ब्लेडले घाँटी काँटेर आत्महत्या प्रयास गरेका थिए।

याे पनि पढ्नुस  दुई महिनामा २८८ जनाले गरे आत्महत्या, प्रहरीद्वारा अभियान शुरु

सो घटनापछि उपचारका लागि उनलाई वीर अस्पताल लगिएको थियो। प्रहरीलाई झुक्याएर उनी हाम फालेको बताइएको छ । उनले ट्रमा सेन्टरको छैंठौं तलाबाट हाम फालेको प्रहरीले जनाएको छ।

ट्रमा सेन्टरको छैंटौं तल्लाबाट हाम फालेका जोनको मृत्यु भएको महानगरीय प्रहरी प्रहरी वृत्त जनसेवाका डिएसपी टेकुनन्द लिम्बुले बताए।

याे पनि पढ्नुस  गर्भवती महिलाले फाँसी लगाइन, झुण्डिएकै अवस्थामा बच्चा जन्मियो सकुशल

लागूऔषध दुव्र्यसनी जोनसँग पासपोर्ट र भिसा नभएको खुलेपछि पर्यटन प्रहरीले गत साता पक्राउ गरेको थियो।

कमेन्ट गर्नुहोस्