सभामुख महरा र स्वीट्जरल्याण्डका राजदूतबीच भेटवार्ता

काठमाडौं । सम्माननीय सभामुख कृष्णबहादुर महरासँग नेपालका लागि स्वीट्जरल्याण्डका राजदूतले शिष्टाचार भेट गर्नुभएको छ ।

बुधबार सभामुखको कार्यालय सिंहदरबारमा स्वीट्जरल्याण्डका राजदूत एलिजावेथ वोन क्यापेलरले शिष्टाचार भेटवार्ता गर्नुभएको हो । सभामुख महराले भेटमा संसदीय सम्बन्धलाई प्रगाढ बनाउन संसदबीच फ्रेन्डसीप ग्रुप स्थापना गर्ने बारेमा पहल बढाउनुपर्ने बताउनुभयो ।

याे पनि पढ्नुस  अर्थमन्त्री महराको खुलासा-‘पैसा बाकसमा राखेर मन्त्रीहरु चाबी लाएर हिडे’

भेटघाटका क्रममा राजदूत क्यापेलरले सभामुखमा निर्वाचित भएकोमा सभामुख कृष्णबहादुर महरालाई बधाई र शुभकामना व्यक्त गर्नुभएको थियो ।

सभामुख महराले लामो विद्रोहलाई शान्ति प्रक्रियामार्फत् टुङ्गोमा पुर्याइ देशको समृद्धिमा लागिरहेको बताउनुभयो ।

शान्ति प्रक्रियाका धेरै काम टुङ्गिएका छन्, नयाँ संविधानको निर्माण भएको छ, सभामुख महराले भन्नुभयो- ‘सबै तहका निर्वाचन सम्पन्न गरी देश विकासका लागि समृद्धिको यात्रामा छौं ।’

याे पनि पढ्नुस  कृष्णबहादुर महराको पहलमा दाङमा हवाई सेवा सुरु

शान्ति प्रक्रियाको क्रममा स्वीट्जरल्याण्ड सरकारले राम्रो सहयोग गरेको भन्दै सभामुख महराले खुसी व्यक्त गर्नुभयो ।

सभामुखसँगको भेटमा राजदूत क्यापेलरले स्वीट्जरल्याण्ड र नेपालको सम्बन्ध राम्रो भएको बताउँदै सम्बन्धलाई अझैं सुमधुर बनाउन एकअर्कामा अनुभव आदानप्रदान गर्नुपर्नेमा जोड दिनुभयो । नेपालले शान्ति प्रक्रिया लगायत संविधान निर्माणसम्म सफलतापूर्वक पूरा गरेकोमा खुसी व्यक्त गर्नुभयो ।

याे पनि पढ्नुस  चीनले बधाई दिएको भोलीपल्ट भारतले दियो महरालाई दियो शुभकामना

भेटमा उपसभामुख डा। शिवमाया तुम्बाहाम्फे, संघीय संसदका महासचिव मनोहरप्रसाद भट्टराई, प्रवक्ता भरतराज गौतमलगायतको उपस्थिति रहेको थियो ।

 

कमेन्ट गर्नुहोस्