सनसनीपूर्ण खेलमा रुपेन्देही च्यालेन्जर्स ३ रनले पराजित

काठमाडौं, चैत्र २४ । धनगढीमा जारी डीपीएल प्रतियोगितामा रुपेन्देही च्यालेन्जर्सलार्इ ३ रनले पराजित गर्दै टीम चौराह धनगढी रुस्लान धनगढी प्रिमियर लिगको प्लेअफमा प्रवेश गरेको छ।

८ ओभरमा छोट्याइएको खेलमा धनगढीले दिएको ७७ रनको लक्ष्य पछ्याएको रुपेन्देही ५ विकेट गुमाउँदै ७३ रनमा रोकियो।

रुपेन्देहीका लागि सागर पुनले १६ बलमा ३ चौका र ३ छक्काको मदतमा ३३ रनको विस्फोटक पारी खेलेपनि टोलीलार्इ जिताउन सकेनन्। साथै उसका दीपक प्रसादले १६ बाहेक अन्यले दोहोरो अंक जोड्न सकेनन्।

याे पनि पढ्नुस  अनुगमन गर्दा राज्यमन्त्रीको गाडी तोडफोड

त्यसअघि टस हारेर पहिले ब्याटिङ गरेको धनगढीले ७ विकेट गुमाएर ७६ रन बनाएको थियो। धनगढीका सोनु तामाङले विस्फोटक ब्याटिङ गर्दै १४ बलमा ३४ रनको पारी खेले। सो क्रममा उनले ४ छक्का र १ चौका प्रहार गरे। यस्तै, रोहन मुस्तफाले १५, राजेश पुलामीमगरले ९, सुनिल धमलाले ६ रन जोडे। बलिङ तर्फ सुशान भारीले ३ तथा दीपेश श्रेष्ठले २ विकेट लिए।

याे पनि पढ्नुस  यातायात कार्यालयमा मूख्यमन्त्री भट्टको छड्के, कार्यालय प्रमुख तनावमा

योसँगै डीपीएलको प्लेअफमा पुग्ने तीन टोलीको टुंगो लागेको छ। काठमाडौं गोल्डन्सले शुक्रबार नै प्लेअफमा स्थान बनाएपनि आज महेन्द्रनगर युनाइटेड र धनगढीले प्लेअफमा स्थान बनाएका हुन्। प्लेअफमा पुग्ने अन्तिम टोलीको भने आइतबार टुंगो लाग्नेछ।

आइतबार हुने सिवाइसी अत्तरिया र विराटनगर किंग्सबीचको विजेता प्लेअफमा पुग्ने अन्तिम टोली हुनेछ भने पराजित टोली प्रतियोगिताबाट बाहिरिनेछ। खेलका म्यान अफ द म्याच सोनु तामाङ भए। उनले नगद १० हजार हात पारे।

कमेन्ट गर्नुहोस्