धर्मको आवरणमा हिंसा मच्चाउनेमाथि कारवाही हुने: गृहमन्त्री थापा

काठमाडौँ, २७ चैत । गृहमन्त्री रामबहादुर थापा‘बादल’ले पछिल्ला दिनहरुमा धार्मिक आवरणमा अस्थिरता निम्ताउन खोज्नेहरु सक्रिय भएको भन्दै उनीहररूलाई सरकारले कारवाहीको दायरामा ल्याउने स्पष्ट पार्नुभएको छ ।

गत आईतबार बिराटनगरमा श्रीनिवास आचार्य माथि भएको गोली प्रहारको घटनामा संलग्नहरुलाई कारवाहीको माग गर्दै आज गृहमन्त्रालयमा विभिन्न ४८ वटा धार्मिक संघसंस्थाका तर्फबाट ज्ञापनपत्र बुझाउन आएको प्रतिनिधिमण्डलसँग गृहमन्त्री बादलले घटनामा संलग्न भएको आरोपमा  दुई जना पक्राउ परीसकेको र अन्यबारे खोजबिन जारी रहेको बताउनुभयो ।

याे पनि पढ्नुस  सभामुख महराले संसदमा भने–गृहमन्त्री आउँदै हुनुहुन्छ, ट्राफिक जाममा पर्नुभएको छ

सो घटनाले आफुलाई दुखित तुल्याएको भन्दै गृहमन्त्रीले घटनामा संलग्नहरुको पहिचान गर्न र कारवाहीको दायरामा ल्याउन आफुले सुरक्षा निकायलाई निर्देशन दिईसकेको जानकारी दिनुभयो ।

उहाँले भन्नुभयो, ‘‘ जातियता र धर्मको नाममा सबैलाई जुधाएर देशलाई अस्थिरतातर्फ लैजान केही तत्व सक्रिय भएका छन्, उनिहरुलाई कारवाहीको दायरमा ल्याईनेछ । ’’

याे पनि पढ्नुस  माओवादी केन्द्रका वरिष्ठ नेता बादलले गरे उम्मेदवारी दर्ता

प्रतिनिधिमण्डलको माग बमोजिम घाईते आचार्यको उपचारको खर्च सरकारले व्यहोर्न आवश्यक प्रक्रिया अगाडी बढाउने समेत उहाँले बताउनुभयो ।

प्रतिनिधमण्डलले घटनामा संलग्नलाई कारवाही गर्नुपर्ने , घटनाको छानविन गर्न आयोग गठन गरिनुपर्ने, सनातन हिन्दुधर्ममाथिको आक्रमण रोकिनुपर्ने, घाईते आचार्यको उपार खर्च सरकारले व्यहोर्नुपर्ने लगायतकाम माग राखेका थिए ।

कमेन्ट गर्नुहोस्