बेरोजगार उत्पादन गर्ने शिक्षा प्रणालीलाई अन्त्य गर्ने सरकारको नीति छ : प्रचण्ड

धनकुटा, चैत २७ । नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ले स्वरोजगारमूलक शिक्षा प्रदान गर्न नीति सरकारले लिएको बताउनुभएको छ ।

धनकुटाको पाख्रिबास नगरपालिकास्थित कृषि तथा विज्ञान विश्वविद्यालय, कृषि संकाय कक्षाको उद्घाटन तथा भवन शिलान्यास गर्दै उहाँले भन्नुभयो– “शैक्षिक बेरोजगार उत्पादन गर्ने अहिलेको शिक्षा प्रणालीलाई अन्त्य गरी स्वरोगारमूलक शिक्षा प्रदान गर्ने नीति सरकारको छ ।”

याे पनि पढ्नुस  यो वर्षको क्षतिपूर्तिसहित अर्को वर्ष बृद्ध भत्ता बढ्छ– प्रचण्ड

अध्यक्ष प्रचण्डले प्राविधिक शिक्षामार्फत नै मुलुकको विकास र समृद्धि गर्ने बताउँदै व्यावसायिक शिक्षा प्रदान गर्ने गरी प्राकृतिक सम्पदाको प्रयोग गर्ने शिक्षाका रुपमा प्राकृतिक स्रोत व्यवस्थापन क्याम्पस स्थापना भएकोमा खुशी व्यक्त गर्नुभयो ।

आगामी वैशाख ९ गते नेकपा एमाले र माओवादी केन्द्रबीच एकता गरी नेपाल कम्युनिष्ट पार्टी बन्ने छ, उहाँले भन्नुभयो, “समाजवादको लक्ष्यसम्म पुग्न समृद्धिको बाटो सहज बनेका कारण अब विकास र सुशासनको युग स्थापित गरी सामाजिक न्यायका माध्यमबाट समाज परिवर्तन गर्न सरकारको जिम्मेवारी बढेको छ ।”

याे पनि पढ्नुस  पिपिएल फाइनल हेर्न प्रचण्ड पोखरा जाँदै, ११ बजेदेखि चितवन राइनोज र पोखरा पल्टनबीच प्रतिष्पर्धा

कृषि तथा विज्ञान विश्वविद्यालयमा सञ्चालित पशु विज्ञान, कृषि विज्ञान र वन विज्ञान मध्य सेमेस्टर प्रणालीअन्तर्गत चारवर्षे कृषि विज्ञानअन्तर्गतको बिएस्सी कृषिएजीको पहिलो वर्षको कक्षा शुरु भएको छ ।

क्याम्पस सञ्चालनका लागि पाख्रिबास नगरपालिकाका स्थानीयले १०५ रोपनी जग्गा दान गरेका छन् ।

कमेन्ट गर्नुहोस्