३३ किलो सुनकाण्डः हिरासतमै गरे चौधरीले आत्महत्या, एसएसपी छानविनको दायरामा

काठमाडौं । ३३ किलो सुन आयात प्रकरण झनै रहस्यमय बन्दै गएको छ । यही प्रकरणमा जोडिएका अर्थात अनुसन्धानका लागि पक्राउ परेकामध्ये प्रेमराज चौधरीले सिहंदरबार प्रहरी वृत्तमा आत्महत्या गरेका छन् । प्रहरी स्रोतका अनुसार उनी ट्वाइलेटमा मृत अवस्थामा फेला परेका हुन् ।

उनलाई बिहीबार गृह मन्त्रालयको टोलीले आवश्यक सोधपुछपछि सिंहदरबार प्रहरी वृत्तमा पठाएको थियो । उनले किन आत्महत्या गरे भन्ने खुल्न सकेको छैन । उनले आफुले लगाएको ट्रयाकसुट खोलेर घाँटीमा बेरेर पासो लगाएको प्रहरीले जनाएको छ ।

महानगरीय प्रहरी परिसर काठमाडौंका डिएसपी मोहन थापाले घटनाको पुष्टि गर्दै चौधरीले आत्महत्या गरेको बताए । गृह मन्त्रालयका सह सचिव ईश्वर पौडेलको नेतृत्वमा समितिले बिहीबार चौधरीलाई नियन्त्रणमा लिएको थियो ।
उनी नेपाल वायुसेवा निगममा कार्यरत कर्मचारी रहेको बताइएको छ ।

याे पनि पढ्नुस  सम्पत्तिमा महिलाको हक स्थापित गर्न संघीय संसदमा भूमिका खेल्छुः रामकुमारी झाँक्री

गत माघ ७ मा हवाईमार्ग हुँदै भित्रिएको साढे ३३ किलो सुन गायब भएको थियो । यही प्रकरणमा मोरङ उर्लाबारीका सनम शाक्यको फागुन १८ गते हत्या भएको थियो । सनम फागुन १५ गते काठमाडौंबाट वेपत्ता भएका थिए । अपराध महाशाखाको टोलीले शाक्यको शव १९ गते विराटनगर पोखरिया कन्यामार्गमा सार्वजनिक गरेको थियो । महाशाखाको टोलीले आफ्नो कार्यक्षेत्र उपत्यका बाहिर गएर सनमको शव फेला परेको सार्वजनिक गरेपछि घटनाले नयाँ मोड लिएको थियो । यो सुनका नाइके चुणमणि उप्रेती (गोरे) रहेको अनुसन्धानले देखाएको छ ।

याे पनि पढ्नुस  देशभर ढाका टोपी दिवस यसरी मनाइयो (फोटोहरु)

सुन प्रकरणमा अहिलेसम्म आरके ज्वेलर्सका मालिक राजेन्द्र शाक्य, राष्ट्रिय प्रजातन्त्र पार्टी (प्रजातान्त्रिक)का नेता तथा होटल मनाङका सञ्चालक भोजुङ गुरुङ, थाइ एयरवेजका कर्मचारी बालकृष्ण श्रेष्ठ, कपिलराज पुरी, गोपाल कुमार श्रेष्ठ, दोराम खत्री व्यापारी सम्भिरप्रसाद तोलाङे, हेमन्त गौतम, गुन्डा नाइके ‘तक्लु’ भनिने पुण्यप्रसाद लामा, वीरेन्द्रमान श्रेष्ठ, लालबहादुर मगर, राजु महर्जन, भारतीय नागरिक महाविर गोल्यान लगायत १९ जना पक्राउ परिसकेका छन् ।

प्रहरी अनुसन्धानमा गम्भीर प्रश्न

गृह मन्त्रालयले तस्करीको ३३ किलो सुन गायब र त्यही प्रकरणमा हत्या गरिएका मोरङ उर्लाबारीका सनम शाक्य ‘हत्या प्रकरण’ मा शंकास्पद भूमिका देखिएको भन्दै महाशाखा एसएसपी दिवेश लोहनीसहित तीन सुरक्षा अधिकारीलाई प्रहरी प्रधान कार्यालयमा तानिसकेको छ ।

याे पनि पढ्नुस  राजपामा महाधिवेशनपछि पनि अध्यक्ष मण्डल राख्ने निर्णयले भाँडभैलो मच्चियो

गृहको निर्देशनपछि एसएसपी लोहनी, डीएसपी प्रजित केसी र प्रहरी नायब निरीक्षक (सई) बालकृष्ण सञ्जेल प्रहरी प्रधान कार्यालयमा तानिएका छन् ।

यो सुनका नाइके हुन् गोरे भनेर चिनिने चर्चित सुन तस्कर चुडामणि उप्रेती । माघ ७ मा हवाईमार्गबाट भित्रिएको साढे ३३ किलो सुन गायब भएको सीमित प्रहरी अधिकारीलाई थाहा भएको हुन सक्ने आशंका प्रहरीले नै गरेको छ ।

त्यतिबेला नै प्रहरीले सुन किन समातेन रु गृहमन्त्रालयले गठन गरेको समितिले प्रहरी अधिकारीलाई जानकारी भए विमानस्थलमै सुन किन समातिएन रु भन्ने विषयलाई अनुसन्धानको केन्द्रमा राखेको छ ।

बाह्रखरीबाट साभार

कमेन्ट गर्नुहोस्