यी हुन रारा किनारमा बसेको मन्त्रिपरिषदले गरेका निर्णय

रारा, वैशाख १ । कर्णाली प्रदेश सरकारको मन्त्रिपरिषद् रारा तालको किनारमा बसेको बैठकले सडक र पर्यटन विकासलाई पहिलो प्राथामिकतामा राख्ने निर्णय गरेको छ।

शुक्रबार साँझ रारा ताल किनारमा बसेको मन्त्रिपरिषद बैठकले कर्णाली प्रदेशका सबै जिल्लामा पर्यटकीय स्थलको पहिचान गर्ने, प्रचार–प्रसार गर्ने, प्रदेशको गुरुयोजना निर्माण गर्ने र कर्णालीको समृद्धिको ढोका खोल्ने गरी आवश्यक पहल गर्न केन्द्र सरकारलाई आग्रह गर्ने निर्णय गरेको छ ।

याे पनि पढ्नुस  कृषिदेखि रोजगारीलाई प्राथमिकतामा राख्दै कर्णाली प्रदेश सरकारले ल्यायो १ अर्ब बढीको बजेट

त्यस्तै प्रदेश सरकारले नाग्मदेखि रारासम्मको सडक कालोपत्रे गर्ने, हिल्सा, सुर्खेतदेखि कोहलपुरसम्मको सडकलाई दुर्त मार्गको रुपमा विकास गर्न, गमगढी नाक्चे लाग्ना सडकलाई राष्ट्रिय गौरवको आयोजनामा समेटेर निर्माण कार्यलाई अगाडि बढाउने गरी आवश्यक सहयोग गर्न केन्द्र सरकारलाई अनुरोध गर्ने निर्णय गरेको छ।

याे पनि पढ्नुस  मन्त्रीपरिषदको बैठक बस्दै, राजिनामाबारे छलफल हुने

कर्णाली प्रदेश सरकारले रारामा पुगेर गरेका निर्णय उत्साहजनक भएको प्रतिक्रिया प्रधानमन्त्री केपी शर्मा ओलीले दिएका छन् । उनले जिम्मेवार भएर निर्णय कार्यान्वयन गर्न कर्णाली प्रदेश सरकारलाई निर्देशन समेत दिएका छन् ।

कर्णाली प्रदेश सरकारले गरेका निर्णयको प्रदेश सरकारका मुख्यमन्त्री महेन्द्रबहादुर शाहीले प्रधानमन्त्री ओलीलाई जानकारी गराई सकेपछि प्रधानमन्त्री ओलीले प्रदेश सरकारले राम्रा निर्णय गरेको प्रतिक्रिया दिएका हुन् ।

याे पनि पढ्नुस  यी हुन्, मन्त्रिपरिषद् बैठक बैठकका २५ निर्णय

कर्णाली प्रदेश जल, जमिन, पर्यटन, धार्मिक पर्यटनलगायतका धेरै सम्भावना रहेकाले प्रदेश सरकारले पुरानो ढाँचामा नभई नयाँ ढाँचाले अगाडि बढ्नु पर्ने प्रधानमन्त्री ओलीको भनाइ छ । प्रदेश तथा समग्र क्षेत्रको विकासका लागि सुशासन, इमान्दारिता तथा कर्मचारी संयन्त्रलाई चुस्त दुरुस्त राख्न पनि ओलीले निर्देशन दिए

कमेन्ट गर्नुहोस्