मोटरसाइकल दुर्घटनामा दुई जनाको मृत्यु

दोलखा, वैशाख २ । नयाँ वर्षका अवसरमा शैलुङ घुम्न आएका दुई जनाको मोटरसाइकल दुर्घटनामा मृत्यु भएको छ।

दोलखाको तामाकोशी गाउँपालिका–१ मा तीव्र गतिमा रहेको मोटरसाइकल गए राति दुर्घटना हुँदा चालक रामेछाप, मन्थली नगरपालिका–१ का १८ वर्षीय सागर श्रेष्ठ र मोटरसाइकलमा सवार सिन्धुपाल्चोक, साँगाचोकगढी नगरपालिका–४ का २५ वर्षीय राजकुमार मोक्तानको मृत्यु भएको हो।

याे पनि पढ्नुस  मोटरसाइकल दुर्घटना हुँदा एकको मृत्यु

दोलखाको शैलुङ गाउँपालिकाबाट रामेछापतर्फ जाँदै गरेको बा९२प ७२१४ नम्बरको मोटरसाइकल गएराति जिल्लाको तामाकोशी गाउँपालिका–१ भीरकोट, माझीगाउँस्थित मोडमा दुर्घटनामा परेको दोलखा प्रहरीले जनाएको छ।

दुर्घटनामा परी उनीहरुको घटनास्थलमै मृत्यु भएको दोलखाका प्रहरी प्रमुख प्रहरी नायब उपरीक्षक रामेश्वर कार्कीले जानकारी दिए। प्रहरीका अनुसार नयाँ वर्षमा उनीहरु साथीसँग घुम्न आएको र तीव्र गतिमा मोटरसाइकल दौडाएकाले दुर्घटना भएको हो।

याे पनि पढ्नुस  डडेल्धुरामा जीप दुर्घटना, २ काे मृत्यु

मोटरसाइकल सडकबाट करीब १ सय ५० मिटर तल खसेको थियो। रासस

कमेन्ट गर्नुहोस्