विदेशबाट फर्के लगत्तै मोदीले गरे कठोर निर्णय, नाबालिक बलात्कारमा फाँसीको सजाय, १० महिनामा सजाय दिईसक्नु पर्ने

नयाँदिल्ली, वैशाख ८ । भारतका प्रधानमन्त्री नरेन्द्र मोदी विदेश भ्रमणबाट फर्किए लगत्तै बसेको मन्त्रिपरिषद बैठकले १२ वर्षमुनिका बालिका बलात्कारको घटनामा दोषीलाई मृत्युदण्ड दिने निर्णय गरेको छ ।

शनिबार करीब तीन घण्टासम्म चलेको मन्त्रिपरिषद बैठकले यस्तो निर्णय गरेको भारतीय सञ्चारमाध्यमले जनाएका छन् । यो सँग नाबालिग बलात्कारको घटनामा दोषीलाई अब मृत्युदण्ड हुने छ ।

याे पनि पढ्नुस  जसका कारण सलमान जेल गए

मन्त्रिपरिषद बैठकमा ‘प्रोटेक्शन अफ चिल्ड्रेन फ्रम सेक्सुअल अफेन्स’ (पाक्सो) एक्टलाई संशोधन गर्दै १२ वर्ष भन्दा कम उमेरका बालिका बलात्कार घटनामा दोषी उपर मृत्युदण्डको सजाय प्रस्ताव गरिएको थियो । उक्त प्रस्तावलाई मन्त्रिपरिषद बैठकले पारित गरेको हो ।

यसअधि भारतमा यस्तो कानून थिएन । शनिबार प्रधानमन्त्री निवासमा भएको बैठकमा यस्तो निर्णय भएको हो । पछिल्लो समय कठुआ र उन्‍नावसहित देशका विभिन्न स्थानमा भएका बलात्कारका घटनाप्रति भारतीय केन्द्र सरकारकी महिला र बाल विकास मन्त्री मेनका गांधीले चिन्ता व्यक्त गरेकी थिइन ।

याे पनि पढ्नुस  ३१ वटा भूउपग्रह सहित भारतद्वारा अन्तरिक्षमा रकेट प्रक्षेपण

यस्ता खालका घटना नियन्त्रणका लागि मन्त्रालयले मन्त्रिपरिषदमा पाक्सो एक्टमा संशोधन गर्न प्रस्ताव गरेको थियो । यसअघि उक्त कानूनमा बलात्कारजन्य घटनाका दोषीलाई मृत्युदण्डको सजाय थिएन ।

कमेन्ट गर्नुहोस्