पाकिस्तानी बस ड्राइभरको छोरा भए ब्रिटेनका गृहमन्त्री

ब्रिटेनको गृहमन्त्रीमा पाकिस्तानी मूलका साजिद जावेद नियुक्त भएका छन् । गृहमन्त्री अम्बर रडको राजिनामापछि समुदाय, स्थानीय सरकार एवम् बसोबास मन्त्रालयको कार्यभार सम्हालिरहेका जावेदको नियुक्ति भएको हो ।

सन् १९६०  को दशकमा ब्रिटेन आएका जावेदको परिवार निम्न मध्यम वर्गीय थियो । उनका पिता एउटा बस चालक रहेका थिए ।

४८ वर्षीय जावेदले यस अघि व्यापार एवम् संस्कृति मन्त्रीको भूमिका समेत निर्वाह गरिसकेका छन् ।

जावेद काला, एसियाली र अल्पसंख्यक समुदाय (बिएएमइ) बाट यो पदमा पुग्ने पहिलो व्यक्ति हुन् । उनी सन् २०१० देखि संसद रहेका छन् ।

जावेद ब्रिटेनले युरोपियन युनियनको सदस्या नछोड्नुपर्ने मत राख्ने ब्रिटिश राजनेताहरूमा एक हुन् । यस अर्थमा उनको नियुक्तिलाई अर्थपूर्ण रूपमा हेरिएको छ ।

बिबिसी

 

कमेन्ट गर्नुहोस्