मलेसियामा नेपाली माथी तरवार प्रहार

मलेसिया । मलेसियामा स्थानीय तामिल मुलका एक ब्यक्तिले नेपालीमाथि तरवार प्रहार घाइते बनाएका छन ।

मलेसियामा को सेलाङ्गर राज्यस्थित कापर सेल्टर सेक्युरिटी फोर्समा कार्यरत सिन्धुली गोलन्जोर गापा रत्तचुरा–६ का गणेशबहादुर रार्इमाथि बिहीबार बिहान कम्पनीमा कार्यरत रहेको अवस्थामा अपरिचित स्थानीय ब्यक्तिले तरवार प्रहार गरेका हुन ।

बिहान करिब ६ः३० बजे काम सकेर कोठामा फर्कन लागेका राईमाथि मोटरसाइकलमा आएका २ जना तामिल नागरिकले एक्कासि तरवारले प्रहार गर्दा राई घाइते भएका छन।

साथीहरू सँगै बाटोमा हिडिरहेका राईलाई तरबारले हिर्काउन थालेपछि साथीहरू भागेको र आफू एक्लै भएपनि केहि बेर प्रतिकार गर्न सफल भएको राईको भनाइ छ । आफुमाथि प्रहार गरेको तरबारलाई रोक्न खोज्दा उनको हात र ढाडमा गम्भीर चोट लागेको छ ।

घटना लगत्तै कम्पनीलाई फोन गरी जानकारी गराउन सफल भएका राइले कम्पनीका प्रतिनिधिका साथमा प्रहरीलाई उजुरी दिएपछी लगत्तै घटनामा सङ्लग्न ब्यक्ति लाइ प्रहरीले पक्राउ गरी आवश्यक अनुसन्धान अघि बढाएको राइले जानकारी दिएका छन ।
उपचार पछि राई कम्पनी होस्टेलमा फर्किएका छन भने उनको अवस्थामा अहिले सुधार आएको छ ।

कमेन्ट गर्नुहोस्