गजल: बडो अवसरमुखी आधार होला

बडो अवसरमुखी आधार होला ,

कहाँ निश्वार्थ यो संसार होला ।

 

गजलकार कृष्णसिंह पेला

निकटता आज यो माछा र पानी ,

कुनै दिन पानी बाराबार होला ।

 

जहाँ अवशेष मानिसका बढी छन् ,

त्यहाँ पैल्हे कुनै दर्बार होला ।

 

विभाजनबीच हाल्यौ धर्म, जाति ,

याे पनि पढ्नुस  शास्त्रीय सङ्गीतमा रमाउँदै, साधक जन्माउँदै

त भोलिलाई अत्याचार होला ।

 

सुतेका छन् सबै मीठो नशामा ,

कुनै दिन ईश त्यो साकार होला ।

 

घटाऊ तौल आफ्नो सभ्य मान्छे ,

धरामा व्यर्थको यो भार होला ।

 

बचाऊ भीडमा त्यो कर्द आफ्नो ,

नयाँ यी पुष्पदलमा धार होला ।

याे पनि पढ्नुस  शास्त्रीय सङ्गीतमा रमाउँदै, साधक जन्माउँदै

 

खडा गर्नू शिखण्डीलाई रथमा ,

समरमा भीष्मको तब हार होला ।

 

दुखेको पाउको काँडा निकाल्नू ,

दुःखीको वास्तविक उद्धार होला ।

 

बताऊ कृष्णमनको लक्षणा एक ,

वचनमा सर्पको उदगार होला ।

 

सबै वातावरण निस्तब्ध, नीरव ,

गजलले मात्र के झंकार होला ?

याे पनि पढ्नुस  शास्त्रीय सङ्गीतमा रमाउँदै, साधक जन्माउँदै

कमेन्ट गर्नुहोस्