मन्त्री पोखरेल र राष्ट्रसंघीय आवासीय संयोजक भैंलरी जुलियान्डबीच भेटवार्ता

काठमाडौं, वैशाख २५ । शिक्षा, विज्ञान तथा प्रविधी मन्त्री गिरिराजमणि पोखरेलले भूकम्पबाट प्रभावित बालबालिकालाई सिकाई वातावरण सुनिश्चित गर्ने सरकारी प्रतिबद्धता पूरा गर्नका लागि संयुक्त राष्ट्र संघका नेपालस्थितका नियोगलाई सहयोगको लागि आग्रह गर्नुभएको छ ।

नेपालस्थित संयुक्त राष्ट्र संघका आवासीय संयोजक भैंलरी जुलियान्डसंग मंगलबार मन्त्रालयमा भएको भेटवार्ताका क्रममा मन्त्री पोखरेलले राष्ट्र संघका नेपालस्थित नियोगले पुनः निर्माणमा दिएको सहयोगमा केही बृद्धी गरे उक्त प्रतिबद्धता पूरा गर्न सहज हुने बताउनु भयो ।

मन्त्री पोखरेलले शिक्षा क्षेत्रको विकासका लागी अवलम्बन गरिएको क्षेत्रगत प्रणालीको संयोजन र कार्यान्वयनमा युनिसेफको महत्वपुर्ण भुमिका रहेको बताउनुभएको छ । ४ बर्षदेखी युनिसेफले फोकल पोइन्टका रुपमा गरेको समन्वयकारी भूमिकाको प्रशंसा पनि गर्नुभयो ।

बिषेशगरी शिक्षा क्षेत्रको सुधारका लागी युनिसेफको सहयोग महत्वपुर्ण रहेको मन्त्री पोखरेलले चर्चा गर्नुभयो । सहशताब्दी विकासका लागी लक्ष्य हासिल गर्न, सबैंका लागी शिक्षा सुनिश्चित गर्नदेखी दिगो विकासका लक्ष्य २०३० हासिल गर्ने प्रयोजनका लागी संयुक्त राष्ट्र संघको सहयोग र प्रतिबद्धता सह्रानिय भएको भन्दैं मन्त्री पोखरेरले धन्यवाद ज्ञापन गर्नुभयो ।

भुकम्पको प्रभावलाई तत्काल सम्बोधन गर्न र पुनःनिर्माण कार्यमा नेपाल स्थित सयुक्त राष्ट्र संघको बिषेश सहयोगको प्रसंसा गर्दै मन्त्री पोखरेलले खाद्य संकट रहेका बिभिन्न १० जिल्लामा सञ्चालित विश्व खाद्य कार्यक्रमले बालबालिकाको पोषण र शिक्षामा बिषेश सहयोग पुगको बताउनुभयो ।

मन्त्री पोखरेल संगको भेटमा नेपालस्थित संयुक्त राष्ट्र संघका आवासीय संयोजक जुलियान्डले नेपाल सरकारको प्राथामिकता अनुसार सहयोग गर्ने प्रतिबद्धता व्यक्त गर्नुभयो ।

शिक्षा, बिज्ञान तथा प्रविधी मन्त्री पोखरेलले ल्याउनुभएको मार्गचित्रलाई कार्यान्वयन गर्न सहयोग गर्ने बताउदैं जुलियान्डले दाताहरुलाई समन्वय गर्न संयुक्त राष्ट्र संघ तयार रहेको प्रष्ट पार्नुभयो ।

बिगत ६ दशकदेखी नेपाल संयुक्त राष्ट्र संघको सकृय सदस्य राष्ट्रको रुपमा रही आएको छ ।

कमेन्ट गर्नुहोस्