सोनमको विवाह लगत्तै अर्की अभिनेत्री नेहाले गुपचुपमा लगनगाँठो कसिन्

मुम्बई । बलिउडकी चर्चित अभिनेत्री सोनम कपूरको विवाहपछि अर्की अभिनेत्री नेहा धूपियाले पनि विवाहको खबर बाहिरिएको छ ।

नेहाले भारतका क्रिकेटरका छोरासँग विवाह गरेकी छिन् । उनले क्रिकेटर बिसन सिंह बेदीका छोरा अंगद बेदीका साथ विवाह गरेकी हुन । नेहा र अंगदले आफ्नो इन्स्टाग्राम मार्फत विवाहको तस्बिरसहित आज विवाह गरेको खुलासा गरेकी छिन ।

नेहाले उनको इन्स्टाग्राम मार्फत आफूले विवाह गरेको खबर सार्वजनिक गरेकी हुन । विवाहको फोटोसहित नेहाले लेखेकी छिन, ‘मेरो जीवनको सही निर्णय, आज मैले मेरो मिल्ने साथीसँग विवाह गरेँ ।’

उनका नवविवाहित दुलहा अंगदले पनि ‘मिल्ने साथी र अहिले श्रीमती’ क्याप्सन राखेर फोटो सार्वजनिक गरेका छन । फोटोमा श्रीमती बेदी लेख्दै नेहालाई ट्याग गरेका छन् ।

यसअघि अभिनेत्री अनुष्का शर्मा तथा भारतीय क्रिकेटका कप्तान विराट कोहलीले पनि गुपचुप रुपमा विवाह गर्दै विवाहको खबरपछि मात्रै सार्वजनिक गरेका थिए । अभिनेत्री नेहाले पनि अनुष्कालाई पछ्याउदै कसैलाई खबर नगरी सुटुक्क विवाह गरेकी छिन ।

 

 

कमेन्ट गर्नुहोस्