मोदी भ्रमण एजेन्डाविहीन : कांग्रेस नेता

प्रमुख प्रतिपक्षी दल नेपाली कांग्रेसका नेताहरूले भारतीय प्रधानमन्त्री नरेन्द्र मोदीको भ्रमण कुनै ठोस एजेन्डामा नभई स्वार्थमा केन्द्रित भएको बताएका छन् ।

भारतीय प्रधानमन्त्री मोदी शुक्रबार र शनिबार गरी दुईदिने राजकीय भ्रमणमा आउने तयारी भइरहेका बेला कांग्रेसी नेताहरूले भने भ्रमण कुनै ठोस एजेन्डामा भन्दा पनि स्वार्थमा केन्द्रित भएको बताएका हुन् ।

काग्रेस नेता डा रामशरण महतले सरकारले प्राथमिकताका विषयलाई ओझेलमा पारेर भ्रमणलाई स्वार्थमा केन्द्रित गर्ने तयारी गरेको बताए । ‘भ्रमण एजेन्डा बेसमा हुनु पर्छ तर यस भ्रमणमा न कुनै ठोस एजेन्डा देखिएको छ, न तत्कालीन आवश्यकतालाई पूर्ति गर्ने विषयहरू छन्, केवल दुवै पक्षको स्वार्थमा भ्रमण केन्द्रित हुने तयारी देखिन्छ,’ नेता महतले भने ।

याे पनि पढ्नुस  यस्ताे छ कांग्रेस केन्द्रीय समितिले पारित गरेकाे १७ बुँदे प्रस्ताव

उनले मोदी भ्रमण नाकाबन्दीको पीडा भुलाएर नेपालीलाई रुझाउने भारतीय रणनीति र वर्तमान प्रधानमन्त्री केपी ओलीमाथि लागेको भारत विरोधी ट्याग हटाउने मूल मार्ग भएको समेत दाबी गरे ।

नेता महतले नेपाली जनताको नागरिक अभिनन्दनका नामबाट भारतमा आउँदै गरेको निर्वाचनमा मोदीले नेपालीमार्फत सहानुभूति बटुल्ने रणनीतिसमेत लिएको प्रस्ट पारे ।

उनले भ्रमणका बखत तत्कालीन आवश्यकताका विषयहरू सीमा नाका विवाद, व्यापार घाटा तथा एयर रुटलगायतका एजेन्डागत विषयलाई नेपाली पक्षले उठान गर्नुपर्नेमा जोड दिए ।नेता एनपी साउदले भ्रमण तीर्थाटनबाट प्रारम्भ गरेर तीर्थाटनमा नै सकिने तयारी हुनु सरकारी पक्षको कमजोरी भएको बताए ।

‘भारतीय प्रधानमन्त्रीको भ्रमण तीर्थाटनबाट सुरु भएर तीर्थाटनमा नै सकिँदै छ भन्ने कुरा आएको छ, यस भ्रमणमा कुनै एजेन्डा नै छैनन्, सरकार भ्रमणबाट नेपालले लिने लाभका विषयमा संवेदनशील देखिएन,’ नेता साउदले भने ।

याे पनि पढ्नुस  यस्ताे छ कांग्रेस केन्द्रीय समितिले पारित गरेकाे १७ बुँदे प्रस्ताव

उनले भारतीय प्रधानमन्त्रीको भ्रमण सुरक्षाका विषयमा सरकार गम्भीर बन्नुपर्ने भए पनि विदेशी सुरक्षाकर्मीको जम्बो टोली नै नेपाल आउनु भने गलत भएको समेत बताए ।

‘सुरक्षाका विषयमा सरकारले संवेदनशील र उच्च चासो लिनुपर्छ तर जसरी नेपाली सुरक्षा संयन्त्रको विश्वशनीयता नै घटाउने गरी विदेशी सुरक्षा फौज ल्याइएको छ, यो गलत हो,’ साउदले थपे । कांग्रेस प्रवक्ता विश्वप्रकाश शर्माले मोदी भ्रमणका विषयमा सामाजिक सञ्जाल ट्वीटरमार्फत धारणा सार्वजनिक गरेका छन् ।

नेपाली सुरक्षा संयन्त्रको विश्वशनीयता नै घटाउने गरी विदेशी सुरक्षा फौज ल्याइएको छ, यो गलत हो, प्रवक्ता शर्माले भारतीय प्रधानमन्त्री मोदीको नेपाल भ्रमणलाई लिएर ‘हाम्रा प्रमको राष्ट्रवाद कुन मञ्चमा सुकुला ?’ भनेर व्यंग्यात्मक प्रश्न गरेका हुन् ।

याे पनि पढ्नुस  यस्ताे छ कांग्रेस केन्द्रीय समितिले पारित गरेकाे १७ बुँदे प्रस्ताव

भारतीय प्रधानमन्त्री काठमाडौं नआई सिधै जनकपुर जाँदा केन्द्र सरकारभन्दा प्रदेशलाई प्राथमिकता दिएजस्तो देखिएको प्रवक्ता शर्माको ट्वीटको आशय छ । उनले जनकपुर र काठमाडौं गरी दुई स्थानमा नागरिक अभिनन्दन किन भन्ने प्रश्नसमेत गरेका छन् ।

मोदीको भ्रमणका लागि भारतीय सैनिकको बाक्लो उपस्थिति अतिक्रमण कि अविश्वास भन्दै शर्माले नेपाली सुरक्षा निकायमाथि अविश्वास रहने अवस्था सिर्जना गरिएको प्रति असन्तुष्टिसमेत व्यक्त गरेका छन् ।

शर्माले मोदीको भ्रमणका क्रममा नाकाबन्दी लगाउनु गलत थियो भन्ने बोध आउँछ कि आउँदैन भन्नेमा समेत संशय रहेको उल्लेख गरेका छन् । राजधानी

कमेन्ट गर्नुहोस्