राष्ट्रिय पाठ्यक्रम विकास तथा मूल्याङ्कन परिषद बैठक सम्पन्न

काठमाण्डौं, वैशाख ३० । राष्ट्रिय पाठ्यक्रम विकास तथा मूल्याङ्कन परिषद बैठक सम्पन्न भएको छ ।

शिक्षा विज्ञान तथा प्रविधि मन्त्री गिरिराजमणि पोखरेलको अध्यक्षतामा भएको बैठकमा विद्यालय शिक्षाको राष्ट्रिय पाठ्यक्रम प्रारुप २०७५ को मस्यौदामाथि बृहत छलफल भएको थियो ।

राष्ट्रिय पाठ्यक्रम विकास तथा मूल्याङ्कन परिषदका सदस्यहरुको सहभागिता रहेको बैंठकले परिषदका सदस्यहरुबाट प्राप्त सुझावलाई समेटेर राष्ट्रिय पाठ्यक्रम प्रारुप २०७५ को मस्यौंदालाई थप परिस्कृत गरी सम्बन्धित सबैं सरोकारवालाको राय सुझावको लागि सार्वजनिक गर्न पाठ्यक्रम विकास केन्द्रलाई निर्देशन दिने निर्णय गरेको छ ।

बैंठकलाई सम्बोधन गर्नुहुँदैं शिक्षा बिज्ञान तथा प्रविधि मन्त्री गिरिराजमणि पोखरेलले नेपालको संविधानको मर्म, संघीय शासन व्यवस्था अनुसार पाठ्यक्रमको विकास र परिमार्जन गर्न आवश्यक रहेको बताउनुभयो ।

प्रारुप विद्यालय शिक्षाको प्रमुख नीति निर्देशक दस्तावेज भएकोले विभिन्न क्षेत्रका विज्ञ एवं सम्बद्ध पक्षको व्यापक सहभागितागरी सबैंबाट प्राप्त सुझाव समेतका आधारमा स्वीकृतिको प्रक्रियामा लैंजानुपर्नेमा मन्त्री पोखरेलले जोड दिनुभयो ।

गुणस्तरीय शिक्षामा सम्झौंता गर्न नसकिने बताउँदै पोखरेलले शैक्षिक गुणस्तर वृद्धीका लागी पाठ्यक्र महत्वपुर्ण बिषय भएको बताउनुभएको । अबको शिक्षा बिज्ञानमैत्री हुनुपर्छ मन्त्री पोखरेलले भन्नुभयो, ‘पाठ्यक्रम प्रारुपमा यस्ता बिषय पनि समेट्नु आवश्यक छ ।’

संवैधानिक व्यवस्था र मुलुकको संघीय संरचना अनुसार विद्यालयस्तरीय पाठ्यक्रम सम्बद्ध गतिविधिलाई व्यवस्थित गर्न राष्ट्रिय पाठ्यक्रम प्रारुप–२०७५ ल्याईएको पाठ्यक्रम विकास केन्द्रका कार्यकारी निर्देशक कृष्णप्रसाद काप्रीले जानकारी दिनुभयो ।

विद्यालय शिक्षाको यस अघिको राष्ट्रिय पाठ्यक्रम प्रारुप भन्दा अहिले छलफलमा ल्याइएको प्रारुपको मस्यौंदामा बालबालिकाको सिकाईलाई खण्डिकृत हुन नदिई अन्तरसम्बन्धित बनाउन र सिकाईलाई जिवन पद्धति संग आवद्ध गर्न कक्षा १ देखि कक्षा ३ सम्म विषय क्षेत्र (थिम) मा आधारित एकिकृत पाठ्यक्रम विकास गर्ने उल्लेख गरिएको छ भने संघिय संरचनामा संघ, प्रदेश र स्थानिय सरकारको पाठ्यक्रम सम्बद्ध भूमिकालाई परिभाषित गरिएको छ ।

त्यस्तैं पाठ्यक्रम प्रारुपमा माध्यमिक तह कक्षा ९ देखि कक्षा १२ सम्मका लागि एकल पथीय ढाँचाको पाठ्यक्रम विकास गरिएको छ भने माध्यमिक तहको साधारण शिक्षामा समेत रोजगार एवं स्वरोजगारमूलक प्राविधिक÷व्यवसायिक विषयलाई पाठ्यक्रम ढाँचामा समाबेश गरिएको छ ।

राष्ट्रिय पाठ्यक्रम प्रारुप–२०७५ मा समेटिएका रुपान्तरणका प्रमुख विषयहरु छलफलका लागि सार्वजनिक गर्ने निर्णय भएको बताउँदैं निर्देशक काप्रीले प्रारुपमा अन्तराष्ट्रिय अभ्यास र राष्ट्रिय आवश्यकताको आधारमा पाठ्यक्रम संरचनामा पाठ्य घण्टा (क्रेडिट आवर) मा आधारित प्रमुख सिकाई क्षेत्रको व्यवस्थापन गरिएको बताउनुभयो ।

त्यस्तैं माध्यमिक तह कक्षा ११ र १२ को पाठ्यक्रममा लघु अध्ययन÷अनुसन्धान, व्यवहारिक अभ्यास जस्ता क्रियाकलापलाई पनि नयाँ प्रारुपमा समेटेर पाठ्यक्रम अनुसन्धानमूलक बनाईएको दावी गरिएको छ ।

कमेन्ट गर्नुहोस्