एमाले–माओवादीबीच यसरी भयो भागबन्डा ! कसले पायो, कसले गुमायो ?

माओवादीलाई ४५ प्रतिशत

एकीकृत पार्टीको केन्द्रीय समिति ४४१ सदस्यीय छ जसमा प्रतिशत नभने पनि ४५ प्रतिशत माओवादी केन्द्रले पाउने र बाँकी ५५ प्रतिशत एमालेले राख्नेसमेत सहमति भएको छ ।

सहमति अनुसार २०० सदस्य माओवादीको भागमा र २४१ सदस्य एमालेको भागमा पर्ने छन् ।

त्यस्तै पार्टीको स्थायी समितिमा ४३ सदस्य रहने सहमति जुटेको छ । सहमति अनुसार स्थायी समितिमा २५ जना एमालेबाट र १८ जना माओवादी केन्द्रबाट रहने छन् ।

चुनाव चिह्न सूर्य

एकीकृत पार्टीको चुनाव चिन्ह सूर्य कायम रहने सहमति भएको छ ।

त्यस्तै पार्टीको विधानमा जनयुद्ध र विभिन्न कालखण्डमा भएका आन्दोलनलाई समेट्ने विषयमा समेत सहमति जुटेको छ । यस अगाडि एमालेले जनयुद्धुलाई सशस्त्र द्वन्द्वु भन्दै आएको थियो ।

त्यस्तै पार्टीका सिद्धान्त मार्क्सवाद र लेनिनवाद हुनेछ भने जनताको बहुदलीय जनवाद (जबज) र माओवादलाई थाँती राखिएको छ । जनताको बहुदलीय जनवाद र एक्काइसौँ शताब्दीको जनवादलाई एउटै विन्दुमा समेट्न जनताको जनवाद राख्ने गरी सहमति जुटेको छ ।

यसैबीच एमाले र माओवादी केन्द्रबिच पार्टी एकता हुने भएपछि माओवादी केन्द्रमा बिद्रोह हुन सुरु गरेको छ । माओवादीले एमालेसंग आत्मसमर्पण गरेको भन्दै माओवादी केन्द्रका नेता-कार्यकर्ताले पार्टी परित्याग गरेको बताएका छन्।

माओवादी जनयुद्धकोको मूल मर्म अनुसार नेपाली क्रान्तिलाई अगाडी बढाउनुपर्नेमा माओवादी केन्द्रको नेतृत्व उल्टो संसदीय राजनीतिक भासमा फसेको र एमालेसँग मिलेर शहिदहरुको सपनामाथि खेलवाड गरेको उनीहरुको आरोप छ ।

कमेन्ट गर्नुहोस्