आजबाट त्रिभुवन विमानस्थल २१ घण्टा सञ्चालन

काठमाडौं, जेष्ठ ७ । त्रिभुवन अन्तर्राष्ट्रिय विमानस्थल सोमबारदेखि दैनिक २१ घण्टा सञ्चालनमा आउने भएको छ ।

विमानस्थलको व्यवस्थापन र उडान सुरक्षित बनाउन सोमबारदेखि २१ घण्टा सञ्चालनमा ल्याउन लागिएको त्रिभुवन अन्तर्राष्ट्रिय विमानस्थलका प्रवक्ता प्रेमनाथ ठाकुरले जानकारी दिए ।

बिहान ६ बजेदेखि राति १२ बजेसम्म गरी १८ घण्टा विमानस्थल सञ्चाल हुँदै आएकोमा आजदेखि ३ घण्टा थप गरिएको हो । अब बिहान ६ बजेदखि राति बिहान ३ बजेसम्म विमानस्थल सञ्चालन हुनेछ ।

याे पनि पढ्नुस  बिमस्टेक सम्मेलन: पाहुना आउँदा आकाश पनि बन्द हुने, कहिले कति घण्टा बन्द हुँदै

हाल ६६ जना एयर ट्राफिक कन्ट्रोलर रहेकोमा ८ जना थपिएको र बाँकी केही समयपछि थपिने विमानस्थलले जनाएको छ । तीन सिफ्टमा विमानस्थल सञ्चालन गर्ने व्यवस्था गरिएको प्रवक्ता ठाकुरले बताए ।

उडान तथा अवतरणको समय ३ घण्टा थप भएसँगै एयर ट्राफिक जाम कम हुने विमानस्थलको दाबी छ ।

याे पनि पढ्नुस  विमानस्थलबाट अवैध सुनसहित दुई पक्राउ

संस्कृति पर्यटन तथा नागरिक उड्डयनमन्त्री रवीन्द्र अधिकारीले गत चैत्र १६ गते सार्वजनिक गरेको सय दिने कार्ययोजनामा एयर ट्राफिक जाम कम गर्न भन्दै जेठ ७ गतेबाट दैनिक २१ घण्टा विमानस्थल सञ्चालनमा ल्याउने उल्लेख थियो ।

कमेन्ट गर्नुहोस्