प्रधानमन्त्री ओलीको बै‌ंकमा ४२ लाख, भक्तपुरका तीन तले २ घर पत्नीका नाममा

काठमाडौं, जेठ ९ । प्रधानमन्त्री केपी शर्मा ओलीले आफ्नो सम्पत्ति विवरण सार्वजनिक गरेका छन् ।

प्रधानमन्त्री ओलीको बुधबार सार्वजनिक गरिएको सम्पत्ति विवरणमा एभरेष्ट बैंकको खातामा ४२ लाख रुपैयाँ रहेको जनाइएको छ । जुनको स्रोत तलब र भत्ता उल्लेख छ ।

प्रधानमन्त्री ओलीले अरु सबै सम्पत्ति पत्नी राधिका शाक्यको नाममा रहेको उल्लेख गरेका छन् । भक्तपुरको सूर्यविनायक नगरपालिका–२ मा साढे एक रोपनी जग्गामा बनेका तीन तले दुईवटा घर पत्नी राधिकाको नाममा रहेको उल्लेख छ।

त्यसैगरी राधिकाकै नाममा झापाको पृथ्वीनगरमा आफैँले कमाएको १० कठ्ठा जग्गा रहेको पनि उल्लेख गरिएको छ । त्यसैगरी ओलीसँग स्वआर्जन गरेको करिब १८ तोला गरगहना पनि रहेको उल्लेख गरिएको छ ।

राधिकाकै नाममा माछापुच्छ्रे बैंकमा ४ लाख र प्रभु बैंकमा ६ लाख रुपैयाँ रहेको पनि उल्लेख गरिएको छ । त्यसैगरी नेपाल राष्ट्र बैंककी प्रथम श्रेणीकी पूर्वअधिकृत राधिकाको नाममा सेयरका रुपमा २५ लाख रुपैयाँ राष्ट्रिय बचतपत्र पनि रहेको छ ।

कमेन्ट गर्नुहोस्