Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!

रित्तो संसदभित्र समृद्धिको छलफल

काठमाडौँ, जेठ १०।  प्रतिनिधिसभामा बुधबारदेखि आगामी आर्थिक वर्ष २०७५/७६ का लागि सरकारको नीति तथा कार्यक्रममाथिको सुरु भएको छलफल बिहीबार पनि जारी रह्यो तर सभाहल हेर्दा भने रित्तो-रित्तो देखिन्थ्यो।

बैठक सुरु हुँदा उपस्थित रहेका प्रतिनिधिसभा सदस्यहरू पनि एक-एक  गरेर बाहिरिए पछि छलफल औपचारिकतामा मात्र सीमित रह्यो भन्ने अनुमान लगाउन गाह्रो रहेन।

यस क्रममा सांसदहरूमा गजब्को० परिपाटी देखिएको छ। ११ बजे सुरु भएको बैठक आफ्नो बोल्ने क्रम सकिए लगत्तै उनीहरु सदनबाट बाहिरिने गरेका छन् र बोल्ने पालो नपरेका सांसदहरु पनि हाजिर गर्ने र केही समय बसेर निस्कने गरेका छन्।

कान्तिपुरका लागि मकर श्रेष्ठले लेखेको समाचारमा भानिएकोप छ सोमबार प्रस्तुत सरकारको नीति तथा कार्यक्रममाथि आफ्नो धारणा राख्दै पूर्व प्रधानमन्त्री बाबुराम भट्टराईले सभामुख र राष्ट्रियसभाका अध्यक्षमाथि सम्मान गरिएन भनेर गरिएको प्रचार गलत रहेको भन्दै जनप्रनिधिमूलक संस्थाको नेतृत्वको आफ्नो मर्यादा हुने बताएका थिए।

गरिबी र बेरोजगारीको दुश्चक्रबाट हटाउने, बेरोजगारीको अन्त्य, आगामी पाँच वर्षमा प्रतिव्यक्ति आयात दोब्बर बनाउने, पाँच वर्षमा पाँच हजार मेगावाट विद्युत् उत्पादन गर्नेजस्ता विषय सकारात्मक रहेको उनको भनाइ थियो।

पूर्वाधार निर्माणको विषय सरकारको नीति तथा कार्यक्रमले समेटेको भन्दै भट्टराईले उक्त कार्यक्रम कसरी पूरा गर्ने भन्ने विषयमा प्रष्टताको जरुरी रहेको उल्लेख गरेका थिए।

सपना ठूला देखाएर पूरा भएन भने त्यसले जनतामा निराशा उत्पन्न हुने भन्दै उनले कृषि, पर्यटन, ऊर्जा, सहरी विकासजस्ता विषयलाई प्रमुख प्राथमिकतामा राखेर समयसीमा तय गरेर जान सरकारलाई सुझाव दिए।

यस्तै विभिन्न दलका सांसदहरुले सरकारको नीति तथा कार्यक्रममाथि आ-आफ्नो धारणा राखिरहेका छन्।

२७५ सदस्य रहेको प्रतिनिधि सभामा साढे २ बजेको समयमा बढीमा ४० जना मात्रै सांसद उपस्थित छन्। बैठकबाट सभामुख कृष्णबहादुर महरा पनि केही बेर बसेर बाहिरिएसँगै उपसभामुख शिवमाया तुम्बाहाम्फेले सदन सन्चालन गरिरहेकी छिन्।

सदनको बैठक जारी रहेको अवस्थामा केही सांसद भने संसद भवनकै क्यान्टीनमा गफ मग्न भएको देखिएका छन्।

स्रोत: कान्तिपुर

कमेन्ट गर्नुहोस्

%d bloggers like this: