गणतन्त्र दिवसकाे अवसरमा नेपाल टेलिकमको निशुल्क अफरै अफर

काठमाडौं, जेठ १४ । गणतन्त्र दिवस २०७५ को अवसर पारेर नेपाल टेलिकमले आफ्ना सिमकर्तालाई विभिन्न निशुल्कदेखि सशुल्क अफरको घोषणा गरेको छ ।

गणतन्त्र दिवसकै अवसरमा कम्पनीले १८ रुपैयाँमै एक घण्टासम्म भ्वाइस, एसएमएस र डाटा चलाउन सकिने “अनलिमिटेड प्याक” अफर ल्याएको छ । जीएसएम तथा सीडीएमए मोबाइल प्रयोगकर्ताले सो अफर उपभोग गर्न सक्ने छन् ।

प्रयोगकर्ताले एक घण्टासम्म कम्पनीको नेटवर्क भित्र जति पनि कल गर्न र एसएमएस पठाउन तथा डाटा चलाउन सक्ने छन् ।

याे पनि पढ्नुस  नारी दिवसमा टेलिकमको नयाँ अफर !

नेपाल टेलिकमले लामो समयपछि मिस्ड कल एलेर्ट सेवालाई पुनः सञ्चालन गर्ने भएको छ । कम्पनीले सो सेवा पोस्टपेड र प्रिपेड मोबाइलमा जेठ १५ गते देखि पुनः सञ्चालनमा ल्याउने भएको हो ।

यो सेवा शुभारम्भ भएपश्चात् सेवाग्राहीको नम्बर व्यस्त भएको अवस्थामा, नेटवर्क नभएको अवस्थामा वा स्वीच अफ भएको अवस्थामा कसैको कल आएमा पछि त्यसको वारेमा एसएमएस मार्फत् नोटिफिकेसन प्राप्त हुनेछ ।

याे पनि पढ्नुस  ‘राष्ट्रिय फोटो पत्रकारिता अवार्ड २०७४’ को डेलीलाइफ फोटो पत्रकारिता अवार्ड विधाको लागि नेपाल टेलिकमको सहयोग

सेवा शुभारम्भ गर्नको लागि उपभोक्ताले कगद mअब लेखेर १४०० मा एसएमएस गर्ने वा *१४००# डायल गरि प्राप्त निर्देशन पालन गर्नुपर्ने कम्पनीले जनाएको छ ।

नेपाल टेलिकमको जीएसएम मोबाइल फोन प्रयोगकर्तालाई हाल यो सेवा १५ दिनका लागि कम्पनीले निःशुल्क उपलब्ध गराउने भएको छ । त्यसपछि भने मासिक रुपमा ५ रुपैयाँ शुल्क लाग्ने छ ।

त्यसैगरी १२ रुपैयाँमा कम्पनीको नेटवर्क भित्र १ सय २० वटा एसएमएस पठाउन सकिने “एसएमएस प्याक” पनि ल्याएको छ । सो प्याक ५ दिन भित्र प्रयोग गरिसक्नु पर्नेछ ।

याे पनि पढ्नुस  नेपाल टेलिकमको नाफा घटेपछि प्रतिशेयर आम्दानी सय रुपैयाँ तल झर्यो

अनलिमिटेड प्याक र एसएमएस प्याक जेठ १४ गते देखि आगामी जेठ २८ गते सम्म खरिद गर्न सकिनेछ । प्याकेज खरिद गर्नका लागि *१४१५*८# डायल गर्न सकिन्छ ।

त्यसैगरी कम्पनीको वेबसाइट मार्फत् पनि यस सम्बन्धी विस्तृत जानकारी लिन सकिने कम्पनीको प्रेस विज्ञप्तिमा उल्लेख छ ।

कमेन्ट गर्नुहोस्