सबैलाई राष्ट्रिय मूल धारमा आउन प्रधामन्त्री ओलीको आग्रह

काठमाडौं, जेठ १५ । अशान्ति र अस्थिरताका क्रियाकलाप उचित नभएकाले सबैलाई राष्ट्रिय मूल धारमा आउन प्रधामन्त्री केपी शर्मा ओलीले आग्रह गरेका छन् ।

गणतन्त्र दिवसको अवसरमा काठमाडौंको सैनिकमञ्च टुँडिखेलमा आयोजना गरिएको कार्यक्रमलाई संबोधन गर्दै ओलीले
यस्तो बताएका हुन् ।

प्रधामन्त्री ओलीले आजको दिन सबै नेपाली नागरिकको विजयको दिन भएको बताए ।

शासक संविधानभन्दा माथि हुने परम्परा अन्त्य गर्दै जनता सार्वभौम हुन् र सार्वभौमसत्ता जनतामा मात्र निहीत छ भन्ने प्रत्याभूति आजको दिनले गराएको उनले बताए ।

लोकतान्त्रिक गणतन्त्र उच्च विचार मूल्य मान्यता दर्शनबाट प्रेरित हुने भन्दै उनले यो कसैले उपहार नदिएको र आफैँ लडेर स्थापित गरेको विधि र प्रणाली भएको पनि बताए ।

सरकार विकास, सम्बृद्धि र स्थिरताको मूल मार्गमा अघि बढीरहेकाले सुशासन र विकासकालागि असान्दर्भिक हिजोका थिति कानुन र संरचना हटाउँदै, संशोधन गर्दै र रुपान्तरित गर्दै सरकार अघि बढीरहेको उनले दाबी गरे ।

प्रधानमन्त्री ओलीले सरकारको नीति तथा कार्यक्रम सर्वसम्मतले पारित हुनु, छिमेकी र अरु देशसँगको सम्बन्ध थप सुदृढ हुनु र उनीहरुसँग सहकार्यका लागि थप अनुकूलता मिल्नु, देशलाई सम्बृद्धिको यात्रामा अघि बढाउन सजिलो भएको महसुस सरकारले गरेको पनि बताए ।

कमेन्ट गर्नुहोस्