अर्को बलियाे टिम घर फिर्ता, रुस क्वाटरफाइनलमा प्रवेश

मस्को । जर्मनी, अर्जेन्टिना, पोर्जुगललगायत बलियो टिम बाहिरीएसँगै २०१० को विश्वकप विजेता स्पेनको आगामी यात्रा पनि समाप्त भएको छ । हिजो साँझ भएको खेलमा रुससँग ट्राइबेकरमा पराजित हुदै स्पेनको अगाडीको यात्रामा पूर्णविराम लागेको हो ।

लगातार जितको स्वाद चाखेको आयोजक रुस भने स्पेनलाई हराउँदै क्वाटरफाइनलमा प्रवेश गरेको छ । उसले ट्राइबेकरमा स्पेनलाई ४-३ गोलले हरायो। टाइब्नेकरमा स्पेनका आन्द्रेस इनियस्टा, जेर्रार्ड पिके, सर्जियो रामोसले गोल गरे । कोके र आसपासले भने गर्न सकेनन्।

रुसका फेदोर स्मोलोभ, सर्गी इग्नासेभिच, गोलोभिन, चेरिसेभले गोल गरे। टाइब्रेकरमा स्पेनको तेस्रो र पाँचौं प्रहार गोल हुन सकेन। रुसका भने सबै चार प्रहार गोल भएपछि अन्तिम प्रहार गर्नुअघि नै विजेता बनेको हो। रुसका गोलरक्षक इगोर अकिनफिभले खेलभर शानदार प्रदर्शन गरे। निर्धारित तथा अतिरिक्त समयमा आधा दर्जनभन्दा बढी आक्रमण बचाउँदै टोलीको संकट टारेका अकिफिभले टाइब्रेकरमा दुई वटा आक्रमणलाई विफल बनाएका थिए।

यो संस्करणमा बलिया टिम मानिएका एकपछि अर्को गरि बाहिरहेका छन् । जर्मनी समूहगत चरण तथा पोर्चुगल र अर्जेन्टिना प्रिक्वाटरफाइनलबाट बाहिरिएको हो। अब प्रतियोगितामा चार वटा मात्र पुर्व विजेता टोली बाँकी छन्। उरुग्वे, ब्राजिल, फ्रान्स र इङ्ल्यान्ड मात्र पूर्व विजेताका रुपमा जारी प्रतियोगितामा छन्। स्पेनले पछिल्ला २३ खेलमा हार ब्यहोरेको थिएन।

यसअघि निर्धारित तथा अतिरिक्त समयको खेल १-१ गोलको बराबरीमा सकिएपछि खेलको निर्णय टाइब्रेकरबाट लिईएको थियो। यसअघि निर्धारित ९० मिनेटमा दुवैतर्फबाट १-१ गोल भएपछि ३० मिनेट थपिएको थियो। आत्माघाति गोलमा पछि परेको रुस पेनाल्टी पाएपछि खेल १-१ गोलको बराबरीमा ल्याएको थियो। 

डिबक्सभित्र डिफेन्डर जेरार्ड पिकेको हातमा बल लागेपछि रुसले पेनाल्टी पाएको थियो । आर्टिम ज्युवाले ४२ औं मिनेटमा पाएको पेनाल्टीमा गोल गर्दै स्पेनको अग्रता तोडेका हुन् । त्यसअघि सर्गी इग्नासेभिचले १२ औं मिनेटमा बल क्लियर गर्न खोज्दा आत्मघाती गोल भएको थियो। आसेन्सियोको फ्रिकिकलाई उनले सिक्स यार्ड सर्कलबाट क्लियर गर्ने प्रयाश गरेका थिए। जारी प्रतियोगितामा यसअघि भएका दुई खेल भने ९० मिनेट समयमै सकिएका थिए। -एजेन्सी

कमेन्ट गर्नुहोस्