श्रीमतीलाई अलबिदा लेखेर हाकिम बेपत्ता, सेतीमा हाम्फालेको आशंका (भिडियोसहित)

असार १८ । महानगरपालिकाका वरिष्ठ अधिकृत ओमराज पौडेल बेपत्ता भएको हप्ता दिनपछि उनले परिवारको नाममा लेखेको अन्तिम पत्र सार्वजनिक भएको छ । महानगरपालिकाले जिल्ला प्रहरीको रोहबरमा पत्र सार्वजनिक गरेको थियो ।

पौडेलले घर छाड्नुअघि श्रीमतीलाई सम्बोधन गरेर एउटा नोट समेत छाडेका थिए । उक्त नोटमा श्रीमतीलाई खुशी राख्न नसकेको र आगामी दिनमा साथ दिन नसक्ने उल्लेख गर्नुका साथै सन्ततिलाई सम्बोधन गरेर ३ फूललाई राम्ररी हेरविचार गर्न श्रीमतीलाई अनुरोध गर्दै अलबिदा लेखेको प्रहरीले बताएको छ ।

पत्रमा लेखिएको छ ‘कठै उर्मिला, तिमीले यति धेरै माया दिँदा पनि जीवनभर साथ दिन सकिनँ । ३ वटा कोपिला तिम्रो जिम्मामा छाडेर जाँदैछु । राम्रोसँग बसे चारैजना । अलबिदा ।’

पत्रसँगै पौडेलले आफ्नो मोबाइल, सिक्री र औंठी छाडेका छन् । पौडेलले लेखेको उक्त पत्र कास्की प्रहरी प्रमुख प्रहरी उपरीक्षक ओम रानामगरले पढेर सुनाएका थिए ।

पौडेलको स्थिति पत्ता लगाउन प्रहरीलगायत सम्पूर्ण संयन्त्र क्रियाशील रहेको जनाउँदै उनले घटनाको विस्तृत अनुसन्धान गरिरहेको जनाए ।

कास्की प्रहरीले पौडेलको खोजी सेती नदी र त्यसको आसपासमा केन्द्रित गरेको छ । पोखराको महेन्द्रपुलबाट एक जना व्यक्ति सेती नदीमा हाम फालेको प्रत्यक्षदर्शीले बताएको र घट्नाको प्रकृति र पौडेलले घरमा लेखेर छाडेको नोटका आधारमा सेतीमा हाम फालेको आशंकामा सेती नदी वरपर प्रहरीले खोजी केन्द्रित गरेको हो ।

हेर्नुहोस् भिडियो-

कमेन्ट गर्नुहोस्