डा केसीलाई भेट्न अस्पताल पुगे देउवा

काठमाडौं, साउन ४ । नेपाली कांग्रेसका सभापति शेरबहादुर देउवाले आमरण अनसनरत डा गोविन्द केसीको स्वास्थ्य अवस्थाबारे जानकारी लिएका छन् । गएको असार १६ गतेदेखि जुम्लामा अनशनरत डा केसीलाई बल प्रयोग गरेर सरकारले हिजो (बिहीबार) काठमाडौं ल्याएको थियो ।

सभापति देउवाले शुक्रबार अपरान्ह त्रिवि शिक्षण अस्पताल महाराजगञ्जमा अनशनरत डा केसीको स्वास्थ्य अवस्था बुझेको उनको सचिवालय जानकारी दिएको छ । भेटमा देउवाले डा केसीको मागप्रति कांग्रेसको ऐक्यबद्धता रहेको बताएका थिए।

भेटमा पूर्वप्रधानमन्त्री देउवाले भने, ‘स्वास्थ्य ठूलो कुरा हो, तपाईंलाई राम्रो हुनुपर्‍यो । अध्यादेश अनुसार चिकित्सा शिक्षा विधेयक पारित गराउन हामी सदन र सडकबाट सरकारलाई दबाब दिइरहेका छौं।’

कमेन्ट गर्नुहोस्