एसियाली फुटबलको संशोधित खेल तालिका सार्वजनिक स् नेपालको समूहमा जापान र भिएतनाम

काठमाडौं, साउन ९ । एसियाली फुटबलको संशोधित खेल तालिका सार्वजनक भएको छ । आगामी अगष्ट १८ देखि सेप्टेम्बर २ सम्म इण्डोनेसियामा आयोजना हुने १८औं एसियाली खेलकुद अन्तर्गत पुरुष फुटबलको दुई टोली छुटेका कारण पुनः समूह विभाजन गरिएको हो । तर नेपाल रहेको समूह डी मा भने कुनै परिवर्तन भएको छैन ।

नेपालको समूहमा जापान, भिएतनाम र पाकिस्तान नै कायम छन् । सहभागी २६ राष्ट्रलाई ६ समूहमा विभाजन गरिएको छ । ओलम्पिक टोली भएकाले २३ वर्ष माथिका ३ खेलाडी मात्र समावेश गर्न पाइने नियम रहेको छ ।

समूह ए : आयोजक इन्डोनेसिया, हङकङ, लाओस, चाइनिज ताइपेई, प्यालेसटाइन
समूह बी : थाइल्याण्ड, उज्वेकिस्तान, बंगलादेश, कतार
समूह सी : इराक, चीन, टिमोर, सिरिया
समूह डी : नेपाल, जापान, पाकिस्तान र भियतनाम
समूह ई : दक्षिण कोरिया, कीर्गिस्तान, मलेसिया, बहराइन, संयुक्त अरब इमिरेट्स
समूह एफ : उत्तर कोरिया, साउदी अरब, इरान, म्यानमार

प्रत्यक समूहका शीर्ष दुई टोली अन्तिम १६ मा पुग्नेछन् । समूहमा तेस्रो स्थान प्राप्त गर्ने उत्कृष्ट ४ टोलीले पनि अन्तिम १६ मा स्थान बनाउनेछन् । यसका लागि पाँच टोली सम्मिलित समूहको अन्तिम स्थानमा पर्ने टोलीविरुद्धको नतिजा गणना गरिने छैन ।

नेपालको एसियाड टोली
गोलरक्षक : किरण चेम्जोङ, एलेन न्यौपाने, सोजित गुरुङ
डिफेन्डर : अनन्त तामाङ, आदित्य चौधरी, कमल श्रेष्ठ, सुमन अर्याल, दिनेश राजवंशी, गौरव बुढाथोकी, छिरिङ गुरुङ
मिडफिल्डर : रोहित चन्द, विशाल राई, हेमन गुरुङ, हेमन्त थापामगर, सुनिल बल, तेज तामाङ
फरवार्ड : सुमन लामा, विमल घर्तीमगर, अन्जन विष्ट, अभिषेक रिजाल
प्रशिक्षक : ग्योतोकु कोजी
सहायक प्रशिक्षक : बालगोपाल महर्जन

कमेन्ट गर्नुहोस्