थ्री गर्जेजलाई अन्तिम अबसर

काठमाडौं, १२ साउन । सरकारले पश्चिम सेती आयोजना बनाउने भनेर काममा आनकानी गरिरहेको चिनियाँ कम्पनी ‘चाइना थ्री गर्जेज इन्टरनेसनल कर्पोरेसन’लाई अन्तिम मौका दिने भएको छ ।

२०६८ सालमा सम्झौता गरे पनि चिनियाँ कम्पनीले विभिन्न शर्त राख्दै अझसम्म आयोजना निर्माणको सुरसार गरेको छैन । थ्री गर्जेजले आयोजना निर्माणका लागि चासो नदेखाएपछि लगानी बोर्डले अन्तिमपटक वार्ता गर्ने तयारी गरेको छ । ‘वार्ताका लागि उच्च तहका अधिकारी सम्मिलित टोली पठाउन पत्र लेखेका छौँ’ बोर्डका प्रवक्ता उत्तमभक्त वाग्लेले भने, ‘वार्ता गरी अन्योल चिर्न चाहन्छौँ।’

याे पनि पढ्नुस  पश्चिम सेती बनाउन थ्री गर्जेजद्वारा अस्वीकार

७५० मेगावाटको आयोजना निर्माणका लागि बोर्डले थ्री गर्जेजसँग समन्वय गरिरहेको छ । बोर्डले ५०० मेगावाट भन्दा बढीका आयोजना निर्माणमा सहजीकरण गरिरहेको छ। कान्तिपुरमा खबर छ ।

कमेन्ट गर्नुहोस्