फेरी विवादमा डोनाल्ड ट्रम्प, पत्रकारहरुलाई भने ‘देशद्रोही’

वाशिङ्टन डिसी । अमेरिकी राष्ट्रपति डोनाल्ड ट्रम्प फेरी विवादमा तानिएका छन् ।

आफ्ना कडा ट्विटरका कारण सधैं विवादित बन्दै आएका ट्रम्पले सञ्चारकर्मीलाई देशद्रोहीको संज्ञा दिएपछि उनको आलोचना भएको हो ।

ट्रम्पले अमेरिकी मिडियाले गलत समाचार प्रकाशित गरेको भन्दै आक्रोश व्यक्त गरेका हुन ।

एउटा ट्विट गर्दै ट्रम्पले भने– डिरेन्जमेन्ट सिन्ड्राेमको उन्मादले भरिएको मिडिया हाम्रो सरकारको आन्तरिक कुराकानीको खुलासा गर्छ भने त्यो पत्रकारले आफ्नो मात्र नभएर कैयन् मानिसको जीवन पनि खतरामा पार्छ ।

मुख्यधारका मिडियामाथि आरोप लगाउँदै ट्रम्पले प्रेस स्वतन्त्रता भन्ने कुरा सही समाचार प्रकाशित गर्ने जिम्मेवारीसँगै आउने बताए । अमेरिकी प्रशासनले जबर्जस्त सकारात्मम काम गरेपनि ९० प्रतिशत मिडिया रिपोर्टहरु नकारात्मक रहेको उनको दावी थियो ।

यसअघि ट्रम्पले ट्विट गर्दै न्यूयोर्क टाइम्सको प्रकाशक एजी सल्जबर्जरले व्हाइट हाउसमा भेटघाट गरेका थिए । सल्जबर्जरले मिडियामाथि ट्रम्पको हमला अमेरिकाका लागि खतरनाक र हानिकारक रहेको बताउक थिए ।

कमेन्ट गर्नुहोस्