प्रचण्डद्वारा एसियाडमा सहभागी हुने खेलाडीलाई बिदाई

काठमाडौँ, भदौ ४। इण्डोनेसियाको राजधानी जकार्तामा जारी १८ औं एशियन खेलकुद प्रतियोगिता (एसियाड) मा सहभागी हुन जाने टेबुलटेनिस खेलाडीको टोलीले नेपाल कम्युनिस्ट पार्टी(नेकपा)का अध्यक्ष पुष्कमल दाहाल ‘प्रचण्ड’सँग बिदाइ भेट गरेको छ ।

टोलीसँग भेट गर्दै अध्यक्ष दाहालले टेबुलटेनिस खेलबाट एशियामै देशको नाम राख्न शुभकामना दिए ।

याे पनि पढ्नुस  आजका लागि बोलाइको पार्टी एकता संयोजन समितिको बैठक स्थगित

अध्यक्ष प्रचण्डले आफूलाई पनि टेबुलटेनिस खेल मनपर्ने बताउँदै भने, “राम्रो खेल प्रदर्शन गर्नुहोस्, मेरो तर्फबाट जीतको शुभकामना छ ।” सो अवसरमा अध्यक्षले टेबुलटेनिस खेल सबै उमेर समूहका लागि उपयुक्त खेल भएको बताए ।

 

राष्ट्रिय खेलकुद परिषद्का सदस्य तथा टोली व्यवस्थापक सुदिल शाहीले अध्यक्ष दाहालसँगको भेट पश्चात् खेलाडीमा थप ऊर्जा र हौसला बढेको बताए । व्यवस्थापक शाहीले अध्यक्ष दाहाल स्वयं पनि टेबुलटेनिस खेलाडी भएकाले सो प्रतियोगितामा सहभागी हुने खेलाडीलाई राम्रो खेल प्रदर्शन गर्न प्रोत्साहन गरेको बताए ।

याे पनि पढ्नुस  प्रचण्डले फड्को हान्ने भनेपछि झस्किएको शैलीमा एमाले नेताकाे ट्वीट !

सो खेलमा अनिल घिमिरे र सञ्जीव ढुङ्गेल प्रशिक्षकद्वयका साथ खेलाडी नविना श्रेष्ठ, स्वेच्छा नेम्वाङ, रविना महर्जन, स्यान्टु श्रेष्ठ, अमरलाल मल्ल, दीप सावन सहभागी हुँदैछन् । शनिबारदेखि शुरु भएको एशियाली खेलकूदमा नेपालसहित ४५ राष्ट्रले ४ सय ६५ खेलहरूमा भाग लिइरहेका छन् ।

याे पनि पढ्नुस  शिक्षाको व्यापारीकरण रोकिने: प्रचण्ड

कमेन्ट गर्नुहोस्