सांसद भट्टद्वारा मृतकका परिवारलाई १० लाख क्षतिपूर्ति र न्यायिक आयोग गठनको माग

काठमाडौं, भदौ ९ । कञ्चनपुरबाट प्रतिनिधि सभा चुनावमा निर्वाचीत भएका दिपकप्रकाश भट्टले १३ वर्षीया बालिका निर्मला पन्तको उच्चस्तरीय न्यायिक छाबीनकाे माग गरेका छन् । शनिबार उनले एक सार्वजनिक विज्ञप्ति जारी गर्दै घटनाको यथार्थ छानबीनको माग गरेका हुन् । साथै, उनले मृतकका परिवारलाई १० लाख क्षतिपूर्ति र घाइतेहरुको उपचारको सम्पूर्ण जिम्मेवारी लिन सरकारलाई अनुरोध गरेका छन् ।

साथै, सांसद भट्टले बालिका पन्तमाथि भएको घटनाको सांसद भट्टले निन्दा गरेका छन् । उनले विज्ञप्तिमा भनेका छन्, ‘भीमदत्तनगरपालिका २ कि बालिका निर्मला पन्तको अमानवीय र पाशविक ढंगले बलात्कारपछि हत्या भएको घटनाको जति निन्दा गरेपनि कम हुन्छ ।’ सांसद भट्टले निर्मला पन्तको घटनाको पीडाबोधले छटपटिएको बेला पन्तको हत्यापछि विकसित भएका घटनाहरुले झनै पीडा थपेको बताएका छन् ।

याे पनि पढ्नुस  कांग्रेसकै कार्यकर्ताले गरे पूर्वसांसद बिष्टमाथि दूव्र्यवहार, बिनाको पक्षमा माहोल बन्दै

निर्मलाको हत्या भएलगत्तै व्यवस्थापिका संसदमा हत्याराको खोजी गरी कार्वाही गर्न सरकारको ध्यानाकर्षणका साथै गृहमन्त्रीलाई समेत घटनालाई संवेदनशीलरुपमा लिएर उचित कदम चाल्न माग गरिएको पनि उनले स्मरण गराएका छन् । यद्यपि, सरकारले यो घटनाको वेवास्था गरेको सांसद भट्ले आरोप लगाएका छन् । उनले भने,‘सरकारका तर्फबाट घटनालाई पर्याप्त संवेदनशीलताकासाथ नलिएको कारण अहिले कञ्चनपुरमा अनपेक्षित घटनाक्रमको विकास भएको छ ।’

याे पनि पढ्नुस  भारतबाट छ युवतीको उद्धार

शुक्रबार मात्रै आन्दोलकारीमाथि प्रहरीले गोली चलाउँदा एक बालकको ज्यान गएको थियो । सांसद भट्टले घटनाप्रति गहिरो दुख व्यक्त गर्दै मृतकप्रति श्रद्धान्जली तथा शोकसंन्तप्त परिवार तथा आफन्तजनहरुमा धैर्यधारणका लागि र घाइतेहरुको शीघ्र स्वास्थ्य लाभको कामना गरेका छन् ।

यस्तै, सांसद भट्टले अहिले पनि यो स्थितिलाई गम्भीरतापूर्वक लिन सकिएन र सुरक्षा संयन्त्रलाई आन्तरिक कमाण्ड मजबूत पारेर परिचालन गर्न सकिएन भने दुखद घटना पुनरावृत्ति हुने सम्भावना जीवितै रहेको बताए । त्यसकारण हत्याराको खोजी गर्न उच्चस्तरीय न्यायिक छानबीन समितिको गठन गर्न सरकार समक्ष माग गर्दछु उनले भने। हेर्नुस् सांसद भट्टले जारी गरेको विज्ञप्ति- 

कमेन्ट गर्नुहोस्