Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!

नेपाली बलर सामू श्रीलंका निरीह, २१६ रनमा अलअाउट

काठमाडौं, भदौ १० । श्रीलंका भ्रमणमा रहेको नेपाली राष्ट्रिय क्रिकेट टोलीलाई श्रीलंकाली टोलीले जितका लागि २१६ रनको विजयी लक्ष्य पाएको छ । श्रीलंकाको कोल्ट्स क्रिकेट क्लबसँगको अन्तिम अभ्यास खेलमा नेपालले कसिलो बलिङ गर्दै ४९.५ ओभरमा अलआउट गरेको थियो ।

कोल्टस्को घरेलु मैदानमा भएको खेलमा नेपालका लागि सोमपाल कामीले ३, सागर पुन र करन केसी २ २ ललितनारायण राजबंशी १ विकेट लिएका हुन ।

त्यसैगरी, कोल्ट्सका लागि हसन हेवानले सर्वाधिक ५९, आयानाले ३६ र मदुरा लक्मलले ३१, विश्वले २६ रकृण्ण २४ बनाउनु बाहेक कसैले दोहोरो अंकको रन बनाउन सकेनन् ।

नेपाली क्रिकेट टोली भोली एसिया कप छनोट खेल्नका लागि मलेसिया प्रस्थान गर्नेछ । एसिया कपको छनोट खेलमा टेष्ट खेल्ने बाहेक उत्कृष्ट ६ एसोसिएट टोलीले मलेसियामा २९ अगष्ट देखि सेप्टेम्वर ६ सम्म खेल्नेछन् ।

प्रतियोगितामा एकदिवसीय मान्यता प्राप्त नेपाल र युएईसहित हङकङ, ओमान, सिंगापुर र आयोजक मलेसियाबीच राउण्ड रोविनमा प्रतिस्पर्धा हुनेछ ।

छनोट खेलमा शीर्षस्थानमा रहने दुई टिमबीच विजेता सेप्टेम्बरमा युएईमा हुने एसिया कपको लागि छनोट हुनेछ । छनोटको विजेताले एसिया कपको समूह चरणमै भारत र पाकिस्तानसँग खेल्ने छ ।

कमेन्ट गर्नुहोस्

%d bloggers like this: