Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!

नेपालद्वारा ओमानलाई २२२ रनको विजयी लक्ष्य, सागर पुनले बनाए ८४ रन !

काठमाडौं, भदौ १३ । मलेसियामा आजदेखि शुरु भएको एसिया कप छनोट प्रतियोगितामा नेपालले पहिलो खेलमा ओमानलाई २२२ रनको विजयी लक्ष्य प्रस्तुत गरेको छ । उसले ९ विकेटको क्षतीमा ओमानलाई २२२ रनको विजयी लक्ष्य प्रस्तुत गरेको हो ।

 

टस हारेर ब्याटिङको निम्तो पाएको नेपालले सुरुवातमा खराब प्रदर्शन गर्यो । तर, सागर पुन र आरिफ शेखको साझेदारीले नेपाली इनिङलाई सम्मानजनक अवस्थामा ल्यायो । आज कप्तान पारस खड्का, सुवास खकुरेल, दिपेन्द्रसिंह ऐरी, साेमपाल कामी र रोहितकुमार पौडेलको ब्याट चल्न सकेन ।

 

कप्तान खड्का ८, सुवास ४ र दिपेन्द्र ९ रनमै आउट हुँदा रोहित भने शून्य रनमै पवेलियन फिर्ता भए । साेमपाल ५ रनमा अाउट भए । यस्तै, उपकप्तान ज्ञानेन्द्र मल्लले आज ४५ रन बनाए । उनले ६ चौका र एक छक्कको मद्दतमा सो रन बनाएका हुन् । मल्लले ६० बलको समाना गरे ।

 

यस्तै, आरिफ शेख ३६ रनमा आउट भए । उनले ७४ बलमा सो रन बनाएका हुन् । आरिफले ३ चौका र एक छक्काको सहयोगमा ३६ रन बनाए । आज नेपालका लागि सागर पुनले उत्कृष्ट प्रदर्शन गरे । राष्ट्रिय टिममा लामो समयपछि फर्केका उनले ८३ रन बनाए । उनी र बसन्त रेग्मी अन्तिम अाेभरमा अाउट भए । बसन्त शून्य रनमा आउट भएका हुन् ।

 

यस्तै, करण केसी २६ र सन्दिप लामिछाने २ रन बनाउँदै नट आउट रहे ।  सागरले ८६ बलको सामना गर्दै सो स्कोर बनाए । उनले आज ६ चौका र २ छक्का प्रहार गरे । ओमानका लागि बलिङमा मोहम्मद नदिमले ३, अजय लालचेता र बिलल खानले समान २-२ विकेट लिए ।

 

लाइभ खेलको स्कोर हेर्न यहाँ क्लिक गर्नुस्-

नेपाल ओमानसँग ६ पटक भिडेको छ । जसमा नेपालले सुरुका तीन खेल जितेको छ भने पछिल्ला तीनवटै खेलमा नेपालले पराजय बेहोरेको छ । छनौट प्रतिस्पर्धामा नेपाल र ओमानसँगै सिंगापुर, हङकङ, आयोजक मलेसिया र युएई छन् ।

 

यो पनि पढ्नुस्-

उपकप्तान मल्लकाे लिस्ट एमा १ हजार रन पूरा !

नेपालले भदौ १४ गते युएई, १६ गते मलेसिया, १७ गते सिंगापुर र १९ गते हङकङसँग प्रतिस्पर्धा गर्नेछ । राउण्ड रोविन लिगका आधारमा हुने खेलमा शीर्ष दुई स्थानमा रहने टोलीले उपाधिका लागि प्रतिस्पर्धा गर्नेछ ।  विजयी हुने टोलीले एसिया कपको समूह बी मा रहेर खेल्नेछ । यो समूहमा भारत र पाकिस्तान पनि हुने छन् ।

कमेन्ट गर्नुहोस्

%d bloggers like this: