Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!

एक महिनादेखि प्रमुख व्यापारिक रसुवागढी नाका ठप्प, करोडौं घाटा

रसुवा, भदौ १३ । नेपालको चीनसँगको प्रमुख व्यापारिक रसुवागढी नाकामा एक महिनादेखि ठप्प भएको छ ।

एक महिना अघिको भारी वर्षापछि आएको बाढीले भत्काएको पुल मर्मतमा हुन नसक्दा गएको साउन १२ देखि नाकामा यातायात ठप्प भएको छ । रसुवागढी नाका नजिकैको पहिरो, बाढी र गोसाइकुण्ड गाउँपालिका ५ को खोपाङ भीरको पहिरोले यातायात अवरुद्ध भएपछि एक महिनादेखि नाका ठप्प भएको हो ।

नाकामा यातायात ठप्प भएपछि स्याउ, लसुनलगायत सामग्री कुहिन थालेका छन् । चाडबाडका लागि नेपाल ल्याउन लागिएका अर्बौं मुल्य बराबरका सामान चीनको केरुङमा थन्किएका छन् । करिब १ हजार २ सय कन्टेनर बराबरको सामान केरुङमा थन्किएपछि व्यवसायीले करोडौंको घाटा व्योहोर्नु परेको व्यवसायी बताउँछन् ।

यातायात अवरुद्ध भएपछि रसुवा भन्सारको कारोबार ठप्प भएको छ । दैनिक करोडौं राजस्व असुल हुने नाका सुनासान छ । जसले गर्दा राज्यलाई करोडौं घाटा भएको छ ।

कमेन्ट गर्नुहोस्

%d bloggers like this: