कञ्चनपुरमै फेरि अर्की किशोरी सामूहिक बलात्कृत

कञ्चनपुर, भदौ १५ । कञ्चनपुरको बेल्डाँडी गाउँपालिकामा बिहीबार राति एक किशोरी सामूहिक बलात्कृत भएकी हुन् । पीडितले इलाका प्रहरी कार्यालय, बेल्डाँडीमा दिएको जानकारी अनुसार उनीमाथि सामूहिक बलात्कार भएको छ ।

कञ्चनपुरका प्रहरी प्रमुख एसपी कुवेर कडायतले घटनाको बारेमा प्रहरीमा मौखिक जानकारी आएको र आफू घटनास्थल पुगेको जानकारी दिए । प्रहरीका अनुसार पीडित युवतीको स्वास्थ्य परीक्षण गरिदै छ ।

किशोरीको घरमा बिहीबार पुजा भएको वेलामा एक युवकले उनलाई बोलाएर घरबाहिर भन्दा अल्लि परबाट मोटरसाइकलमा लगेर बलात्कार गरेका बताइएको छ । साथै प्रहरीले बलात्कारी परिचित रहको बताएको छ भने उनीहरुको खोजी कार्य जारी छ ।

गएको साउन १० गते बलात्कारपछि हत्या गरिएका भीमदत्त नगरपालिका २ उल्टाखामकी १३ वर्षीया किशोर हत्याराको खोजी र अनुसन्धानप्रति असन्तुष्टि जनाउँदै भएको आन्दोलन सेलाउन नपाउँदै कञ्चनपुरमै फेरि अर्की किशोरी बलात्कृत भएकी छन् ।

कमेन्ट गर्नुहोस्

%d bloggers like this: