प्रधानमन्त्री ओली र मोदीबीच भेटवार्ता, रक्सौल–काठमाडौं रेलमार्ग सर्वेक्षण सहमति

काठमाडौं, भदौ १५ । नेपाल र भारतबीच रक्सौल–काठमाडौं विद्युतीय रेलमार्गको इन्जिनियरिङ अध्ययन सम्झौतामा हस्ताक्षर भएको छ । शुक्रबार अपरान्ह प्रधानमन्त्री केपी ओली र भारतीय प्रधानमन्त्री नरेन्द्र मोदीको उपस्थितिमा सो सहमति भएको हो ।

दुई देशबीच भएको सहमतिमा भारतको कोलकता–हल्दिया तथा विसखापट्टनम बन्दरगाहको प्रमुख भन्सार विन्दूबाट सबैभन्दा नजिकको रेल विन्दुसम्म थोक कार्गो आवतजावत सेवा र वीरगन्ज–काठमाडौं रेलमार्गको रेलमार्ग यातायात सर्वेक्षण सहमति भएको जनाइएको छ ।

याे पनि पढ्नुस  प्रधानमन्त्री राष्ट्रिय प्रतिभा पुरस्कार कोष स्थापना गरिने

राजधानीको होटल सोल्टीमा प्रधानमन्त्री केपी ओली र भारतीय प्रधानमन्त्री मोदीसहितको प्रतिनिधिमण्डलबीच भेटवार्ता भएको थियो ।

प्रधानमन्त्री ओलीको भारत भ्रमणका समयमा दुई देशबीच यससम्बन्धी सहमति भएको थियो । यही भ्रमणका क्रममा मोदीले भारतीय सहयोगमा पशुपति मन्दिर क्षेत्रमा निर्माण गरिएको धर्मशालासमेत हस्तान्तरण पनि गर्नेछन् ।

याे पनि पढ्नुस  प्रधानमन्त्री ओलीको स्वकीय सचिवमा बज्राचार्य र सञ्चारविज्ञमा बजगाई नियुक्त

यसअघि बल्क कार्गोसम्बन्धी सम्झौतामा पनि हस्ताक्षर हुने बताइएपनि तयारी पूरा नभएका कारण उक्त सम्झौता नहुने भएको छ ।

कमेन्ट गर्नुहोस्