Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!

खानेपानीमा पहुँच पुर्याउन सरकार कटिबद्ध– मन्त्री मगर, ११ वर्षपछि बडिचौर खानेपानी आयोजना सञ्चालनमा

सुर्खेत, भाद्र १८
खानेपानी मन्त्री बीना मगरले जनताको आधारभूत खानेपानीमा पहुँच पुरयाउन सरकार कटिबद्ध रहेको बताउनु भएको छ । । मगरले सवै नागरिकहरुलाई निशुल्क खानेपानीको ब्यवस्थाका लागि मार्चचित्र तयार गरिएको बताउँदै सरकारले सोही अनुरुप बजेट र योजना समेत तर्जुमा गरेको बताइन ।

पश्चिम सुर्खेतको वराहताल गाँउपालीका ५ मा रहेको वडडीचौर खानेपानी तथा सरसफाई उपभोक्ता समितिद्धारा सञ्चालीत खानेपानी गुणस्तर सुधार आयोजनाको उदघाटन गर्दै मन्त्री मगरले नागरिकहरुलाई निशुल्क खानेपानीको ब्यवस्था गरिने बताएकी हुन ।

संविधानले नै स्वच्छ र सफा पानी पिउने नागरिक अधिकारलाई ग्यारेण्टी गरेको बताउँदै मन्त्री मगरले प्रदेश र स्थानिय सरकारसँग हातेमालो गरि यसक्षेत्रका खानेपानी समस्याहरु समधान गरिने बताइन । “सवै नागरिकलाई स्वच्छ खानेपानीका पुरयाउनका लागि सरकारले प्राथामिकता दिएर बजेट छुट्याएको छ” उनले भनिन । “समुदाय र सरकार मिलेर आवश्यकता पहिचान गरी योजना सञ्चालनमार्फत खानेपानीको समस्या हल गरिने छ ।” खानेपानी संञ्चलनमा आए संगै वराहताल क्षेत्रका स्थानिय बासीलाई शुद्धपानी पिउन सहज हुने उनको भनाई थियो ।

सुर्खेतको खानेपानी लगायत अन्य क्षेत्रको विकासको लागी सरकार सुर्खेती जनताको साथमा रहने उल्लेख गरिन । सरकारले निशुल्क खानेपानीमा सवै नागरिकको पहुच पुरयाउने योजना वनाएको जानकारी दिइन ।

११ वर्षपछि खानेपानी आयोजना

पश्चिम सुर्खेतको बराहताल गाउपालिकामा रहेको बडिचौर खानेपानी आयोजना ११ वर्षपछि संञ्चालनमा आएको छ ।
२०६४ साल बाट निर्माण कार्य सुरु भएको खानेपानी आयोजना ११ बर्ष पछि संञ्चालनमा आएको हो । सरकारको ८० प्रतिशत लगानीमा सोमबार खानेपानी तथा सरसफाई मन्त्री बिना मगरले उदघाटन गर्नु भएको हो ।

उक्त आयोजनाबाट बराहताल गाउपालिकाका वडा नंबर ५ र ८ का करिब २ हजार घरधुरी लाभान्वीत भएका छन । ३ करोड ३४ लाख ८९ हजार लागतमा खानेपानी आयोजना निर्माण भएको खानेपानीका अध्यक्ष अर्जुन कुमार वुचामगरले जानकारी दिए ।


सरकारको २ करोड ९७ लाख ८९ हजार र उपभोक्ता समितिको ३७ लाख रुपैया लागत अध्यक्ष मगरले वताए । कार्यक्रममा प्रतिनिधि सभाका सदस्य नवराज रावत, कर्णाली प्रदेश सभाका उपसभामुख पुष्पा घर्ती, प्रदेश साँसद विन्दमान विष्ट, यज्ञ विसी लगायतको उपस्थिती रहेको थियो ।

कमेन्ट गर्नुहोस्

%d bloggers like this: