बंङ्लादेशी पूर्वप्रधानमन्त्री जियालाई ढाका जेलमा स्थानान्तरण

ढाका, भदौ २१ । बङ्गलादेशका पूर्वप्रधानमन्त्री तथा विपक्षी दलकी नेत्री खालिदा जियालाई बुधबार राजधानी ढाकाको अर्को जेलमा स्थानान्तरण गरिएको छ । भ्रष्टाचारको अभियोगमा जेल सजाय भोगिरहेकी जियालाई सरकारले ढाका केन्द्रीय जेलमा स्थानान्तरण गरेको हो । ७३ वर्षकी उनले पाँचवर्षे जेल सजाय भोगी सकेकी छन् ।

याे पनि पढ्नुस  दोस्रो खेलमा पनि बंगलादेशकाे हार, अफगानिस्तान ६ विकेटले विजयी

 

उनलाई जेल सार्ने बेलामा ह्लिचियरबाट लगिएको थियो । राम्रोसँग सुन्नसमेत नसक्ने नेत्री जियाले आफू अत्यन्त बिरामी भएको अदालतसमक्ष बताएकी थिइन् । उनले भनिन्, ‘मैले न्याय पाउदिन भन्ने मलाई थाहा छ, मेरो हात खुट्टामा पक्षाघात भएको छ, मलाई जहाँ राखेर शासन गर्ने हो गर ।’

याे पनि पढ्नुस  नेपाल बङ्गलादेशबीचको खेल शुरु, जित्नै पर्ने दवाव

 

बङ्गलादेशको एनटीभीबीडी डट कमले सम्प्रेषण गरेको समाचारमा बङ्गलादेश नेशनलिष्ट पार्टीका प्रमुख जियाले थपिन्, ‘तिमिहरूले जस्तो चाहन्छौँ, त्यस्तैगरी मलाई कारवाही गर्न सक्छौँ, तर राम्रोसँग बस्न र उपचार गर्न देऊ ।’ आफूमाथि राजनीतिक प्रतिशोधका आधारमा मुद्दा लगाइएको पूर्वप्रधानमन्त्री जियाले बताउँदै आएकी छन् ।

याे पनि पढ्नुस  साफ च्याम्पियनसिप फुटबलः नेपाल पाकिस्तानसँग पराजित

 

बच्चाहरूका लागि विश्वभरबाट सङ्कलन गरिएको बाल विकाससम्बन्धी एक कोषको १ करोड ६१ लाख रकम दुरूपयोगको अभियोगमा उनलाई अदालतले दोषी ठहर गरेको थियो ।अदालतले पूर्वप्रधानमन्त्री जियाका चार जना सहयोगीलाई भने १० वर्षको जेल सजाय सुनाएको थियो । -रासस

कमेन्ट गर्नुहोस्