ट्रम्पले सिरियाली राष्ट्रपति असदको हत्या गराउन चाहेको खुलासा !

काठमाडौँ, भदौ २१ । प्रसिद्ध अमेरिकी पत्रकार बब वुडवर्डले भर्खर प्रकाशित आफ्नो पुस्तक ‘फिअर: ट्रम्प इन द व्हाइट हाउस’मा राष्ट्रपति ट्रम्पले एकपल्ट सिरियाली राष्ट्रपति बसर अल असदको हत्याको आदेश दिएको खुलासा गरेका छन् ।

पुस्तकमा अमेरिकी रक्षामन्त्री जेम्स म्याटिससम्बद्ध स्रोतलाई अधार मान्दै २०१७ को रासायनिक आक्रमणपछि ट्रम्पले अमेरिकी रक्षा मन्त्रालयलाई असदको हत्याको आदेश दिएको उल्लेख छ ।

उता राष्ट्रपति ट्रम्पले पुस्तकमा उल्लेख भएका सबै कुरा तःय्हीं भएको बताएका छन् । उनले एक ट्विट गर्दै पुस्तकमा लेखिएका कुराहरूको उद्देश्य मनिशारूलई दिग्भ्रमित पार्नु रहेको बताएका छन् ।

ट्रम्पले आफूले यसबारे रक्षा मन्त्रालयका अधिकारीहरूसँग कहिल्यै कुनै चर्चा नभएको बताएका छन् । रक्षामन्त्री म्याटिसले समेत पुस्तकमा उल्लेखित कुराहरू सत्य नभएको बताएका छन् ।

याे पनि पढ्नुस  Controversial Book on Trump Release Early

‘वरिष्ठ अधिकारीहरूले सधैं आफूहरूले संवेदनशील कागजपत्र ट्रम्पबाट लुकाएर राख्ने गरेका थिए ताकि राष्ट्रपति तिनमा हस्ताक्षर नगरुन् ।’ उच्च स्रोतलाई उद्धृत गर्दै पुस्तकमा लेखिएको छ ।

पुस्तकमा वरिष्ठ अधिकारीहरूले ट्रम्पलाई ‘झुठो’ र ‘मूर्ख’ भन्ने गरेको समेत खुलासा गरिएको छ ।

वुडवर्ड अमेरिकाका एकदमै प्रतिष्ठित पत्रकार हुन् । उनले १९७० को दशकको बहुचर्चित ‘वाटरगेट काण्ड’मा तत्कालीन राष्ट्रपति रिचार्ड निक्सनको भूमिका सार्वजनिक गर्न महत्वपूर्ण भूमिका निर्वाह गरेका थिए ।

यस पुस्तकको केही अंश सर्वप्रथम वासिंगटनमा प्रकाशित भएको थियो । त्यसकै भोलिपल्ट न्युयोर्क टाइम्समा यसै विषयमा व्हाइट हाउसका एक जना अज्ञात वरिष्ठ अधिकारीको एउटा लेख प्रकाशित भएको थियो । उक्त लेखमा जसमा ती अधिकारीले अमेरिकी प्रशासनका सम्पूर्ण समस्याको मूल कारण राष्ट्रपति ट्रम्पको अनैतिकता रहेको बताएका थिए ।

याे पनि पढ्नुस  ट्रम्पको अभद्र टिप्पिणीले अफ्रीकी देशहरू आक्रोशित

पुस्तकका अनुसार अप्रिल २०१७ मा सिरियामा भएको रासायनिक आक्रमणपछि राष्ट्रपति ट्रम्पले पेन्टागनलाई सिरियाली राष्ट्रपति बसर अल असदको हत्याको प्रबन्ध गर्न निर्देश दिएका थिए ।

पुस्तकका अनुसार ट्रम्पले रक्षामन्त्री जेम्स म्याटिसलाई, “भो, अब तिनलाई सिध्याइदिउँ” भनेका थिए ।

पुस्तकका अनुसार सुरुमा म्याटिसले ट्रम्पको कुरा मानिसकेका थिए तर पछि उनले यसमा पुनर्विचार गरेका थिए ।

राष्ट्रपति डोनल्ड ट्रम्पले भने पत्रकारहरूसँगको कुराकानीमा र ट्विटहरूमा समेत यो कुरा सत्य नभएको बताएका छन् । बुधवार मिडियासँगको कुराकानीमा उनले भने, “यस्तो कहिल्यै पनि सोचिएन र सोचिने पनि छैन ।”

याे पनि पढ्नुस  हतियार भण्डारमा विस्फोट हुँदा १२ बालबालिकासहित ३९ सर्वसाधारणको मृत्यु

उनले वुडवर्डको पुस्तकलाई ‘कपोकल्पित’ बताएका छन् । रक्षामन्त्री म्याटिसले पनि पुस्तकलाई कुनै ‘राम्रो कल्पनाहरूबाट प्रेरित’ भनेका छन् ।

व्हाइट हाउसकी प्रेस सेक्रेटरी सराह स्यान्डर्सले उक्त पुस्तक जागिर गुमाएका केही पूर्व कर्मचारीहरूको काल्पनिक गनगन रहेको टिप्पणी गरेकी छिन् । भर्खर जारी एक बयानमा स्यान्डर्सले ट्रम्प प्रशासनले सफलतापूर्वक काम गरिफहेको र २०२० मा पनि उनलाई कसैले हराउन नसक्ने बताएकी छिन् ।

बिबिसी

 

कमेन्ट गर्नुहोस्