कतारमा नयाँ नियम, करार अबधी पूरा नगरी स्वदेश फर्किन पाउने

दोहा,भदौ २१ । कतारमा कार्यरत आप्रवासी कामदारले अब आफ्नो करार अवधी पुरा नभए पनि रोजगारदाताको अनुमतिबिना नै स्वदेश फर्किन पाउने भएका छन् ।

मंगलबार कतारका अमिर शेख तमिम विन हमाद अलथानीले ‘एक्जिट पेपर’सम्बन्धी कानुनलाई प्रमाणित गरेसँगै अब स्वदेश फर्किन रोजगारदाताको अनुमति लिनुपर्ने नियम खारेज भएको छ ।

विशेषगरी खाडिका देशमा वैदेशिक रोजगारीका लागि जादा निश्चिति करार अवधीपूरा नगरी स्वदेश फर्कन नपाउने नियम रहेको भयपनि अब कतारमा भने त्यस्तो नियम लागू नहुने भएको छ । यसअघि सम्झौता अवधि सकिएपछि पनि स्वदेश फर्किन रोजगारदाताको अनुमति अनिवार्य थियो । तर नयाँ नियमअनुसार रोजगादारदाताले अब कामदारलाई रोक्न पाउने छैनन् ।

याे पनि पढ्नुस  प्रदेश नम्बर ३ समन्वय परिषद कतारको प्रथम साधारण सभा सम्पन्न

रोजगारदाताले कामको प्रकृति हेरी झन्डै ५ प्रतिशत कामदारका लागि भने कम्पनीबाट ‘नो अब्जेक्सन लेटर’ चाहिने व्यवस्था गरेको छ । तर त्यसका लागि रोजगारदाताले श्रम मन्त्रालयलाई नामसहित उचित कारण पेस गर्नुपर्नेछ ।
कतारले सन् २०१७ जनवरी १ गतेदेखि कफला प्रणालीलाई सुधार गर्दै नयाँ नियम लागू गरेको थियो । त्योबेला कम्पनीको अधिकारमा रहेको ‘एक्जिट परमिट’ कतार सरकारले पनि दिन सक्ने गरी नियम बनाएको थियो।

 यस्तो छ नयाँ नियमअनुसार स्वदेश फर्किने प्रक्रिया 

याे पनि पढ्नुस  एनआरएनए एनसिसि कतारको नवनिर्वाचित कार्यसमितिको पहिलो बैठक सम्पन्न, प्रवक्तामा क्षत्री

१. आपतकालीन समस्या आइपरेमा वा वार्षिक विदाका लागि आफ्नो सम्झौताअनुसार निवेदन दिन सकिन्छ।

२. धेरैजसो रोजगारदाताले अनुमति नदिने गरेको र आफ्नो हकमा पनि त्यसै भएमा ‘एक्जिट परमिट’ कमिटीमा गएर निवेदन दिन सकिने छ ।

३. कतारको ‘ई गभरमेन्ट सर्भिस पोग्राम’, ‘गभरमेन्ट सर्भिस् कम्प्लेक्स’ र कतारका जुनसुकै प्रहरी चौकीमा पनि निवेदन दिन सकिने छ ।

४. निवेदन प्राप्त भएको ७२ घण्टाभित्रमा नै समस्याको सुनुवाई हुनेछ ।   सम्झौता सकिनुअघि नै कतार छाड्न चाहेमा अब कतारको गृह मन्त्रालयलाई राजीनामा दिनुको कारणसहति निवेदन दिनु पर्नेछ । गृह मन्त्रालयले अनुमति दिएपछि सम्झौता सकिनुअघि नै पनि स्वदेश फर्किने अनुमति पाइनेछ ।

याे पनि पढ्नुस  नेपाली मुस्लिमहरुको अन्तर्राष्ट्रिय समाज गठन

नयाँ नियमले घरेलु कामदारलाई भने सहयोग नगर्ने भएको छ । घरेलु कामदार कानुनभन्दा बाहिर भएको भन्दै श्रम नियममा आएको सुधारले उनीहरुलाई सहयोग नगर्ने कतारले जनाएको छ ।
नेपाली दूतावास कतारका अनुसार हाल कतारमा ४ लाख भन्दा धेरै नेपाली कार्यरत रहेका छन भने सरकारले ल्यायको नयाँ नियमले लामो समयसम्म घर फर्किन नपाएका नेपालीलाई धेरै सहयोग मिल्ने अपेक्षा गरिएको छ।

कमेन्ट गर्नुहोस्