प्रशासकले जनताको शासक होइन सेवकको रुपमा काम गर्नुपर्छ–गृहमन्त्री

काठमाडौं, भदौ २५ । गृहमन्त्री रामबहादुर थापा ‘बादल’ले प्रशासकहरुले आफुलाई शासकको रुपमा प्रस्तुत नगरी जनताको सेवकका रुपमा काम गर्नु पर्ने बताएका छन् ।

सोमबार राजधानीमा आयोजित नेपाल प्रशासन सेवाका पदाधिकारीहरुका लागि कानून र न्याय सम्बन्धी तीन महिने सेवाकालीन तालिमलाई संवोधन गर्दै गृहमन्त्री थापाले राष्ट्रको समृद्धी र विकासमा योगदान गर्ने उद्देश्यसहित सबै प्रशासकले काम गर्नुपर्ने बताए ।

याे पनि पढ्नुस  गृहमन्त्री थापाले लिए अस्पताल पुगेर बलात्कृत बालिकाको स्वास्थ्यवस्थाबारे जानकारी

विकासका लागि भ्रष्टचार प्रमुख बाधक भएको भन्दै यस विरुद्ध सबैको साथ र समर्थन आवश्यक रहेको उनले बताए । उनले भने, ‘केही प्रशासकहरु भ्रष्टचार गर्छन, काममा जानाजान ढिलासुस्ती गर्छन भन्ने आरोप लाग्ने गरेको छ । यसलाई तपाईहरुले चिर्नुहोस् । ’

अहिलेको नियम कानुन प्रशासकहरुले बुझ्नका लागिसमेत यो तालिम उपयोगी हुने गृहमन्त्रीको भनाई छ । उनले भने,‘ हामीले अपराधलाई नियन्त्रण गर्न सक्यौ, अपारधीलाई दण्डित गरेर नागरिकको रक्षा गर्न सक्यो भने मात्रै सफल हुन्छौं । यसका लागि विधिसम्मत ढंगले कार्य गर्न जरुरी हुन्छ । ’

याे पनि पढ्नुस  ग्रेटर नेपालद्वारा सीमा अतिक्रमण रोक्न गृहमन्त्रीको ध्यानाकर्षण

कार्यक्रममा कानुन, न्याय तथा संसदिय मामिला मन्त्रालयका सचिव राजिव गौतमले प्रशासकहरुले अर्ध न्यायिक निकायको रुपमा समेत काम गर्नुपर्ने भएकोले तालिम पश्चात काममा सहजता पदान हुने विश्वास व्यक्त गरे ।

कमेन्ट गर्नुहोस्