भूपू गोर्खा सैनिकमाझ प्रचण्ड: नागरिकतासम्बन्धी भ्रमहरू चाँडै अन्त्य हुने

काठमाडौँ, भदौ २८ । नेपाल कम्युनिस्ट पार्टीका अध्यक्ष प्रचण्डले भूपू गोर्खा सैनिक वंशजकै आधारमा नेपाली नागरिक रहेकोले उनीहरूको नागरिकताबारेमा रहेका भ्रमहरू चाँडै अन्त्य हुने विश्वास व्यक्त गरेका छन् ।

गोर्खा भूतपूर्व सैनिक र उनका परिवारलाई वंशजको आधारमा नेपाली नागरिकताको निरन्तरता तथा पूँजी पलायन विषयक कार्यशाला गोष्ठीमा बोल्दै प्रचण्डले १९४७ को त्रिपक्षीय सन्धिद्वारा परिभाषित ब्रिटिश गोर्खा सैनिकहरू अन्य गैर आवाशीय नेपालीहरूभन्दा फरक तरिकाले हेरिनुपर्ने बताएका छन् ।

याे पनि पढ्नुस  द्वन्द्वको नेतृत्व मैले गरेको हुँ, त्यसको जिम्मेवारी मैले लिनुपर्छः अध्यक्ष प्रचण्ड

प्रचण्डले अन्य गैर आवासीय नेपाली र गोर्खा सैनिकहरूको नागरिकतालाई एउटै तरिकाले परिभाषित गरिएका कारण भ्रमहरू सिर्जना भएको प्रचण्डको मत रहेको छ ।

अध्यक्ष प्रचण्डले त्रिपक्षीय सम्झौता र भूतपूर्व गोर्खा सैनिकहरूको निरन्तर संघर्षका कारण ब्रिटिश सरकारबाट सम्मानस्वरूप प्राप्त नागरिकताका कारण उनीहरूको वंशजका आधारमा प्राप्त नेपाली नागरिकता रद्द भइसकेको भन्ने कहीँ कतै उल्लेख नभएका कारण यसलाई नेपाल राष्ट्रसँग जोडेर हेरिनुपर्ने बताए ।

याे पनि पढ्नुस  स्थायी समितिमा प्रचण्डले पेश गरे राजनीतिक प्रतिवेदन, सोमबारदेखि छलफल

प्रचण्डले भने, “अहिलेको संवैधानिक व्यवस्थाले तपाईंहरूको वंशजको नागरिकता खोस्ने भन्ने व्यवस्था गरेको मैले बुझेको छैन तर पनि कहीँ न कहीं केही भ्रम भने रहिराखेको छ ।”

कमेन्ट गर्नुहोस्