बैतडीमा ४ वर्षमा ११५ जनाले आत्महत्या

बैतडी । यस जिल्लामा गएको चार वर्षमा ११५ जनाले आत्महत्या गरेका छन् ।

जिल्ला प्रहरी कार्यालय, बैतडीका अनुसार यस जिल्लामा आत्महत्या गर्नेको संख्या हरेक वर्ष क्रमिक रुपले बढ्दै गएको छ ।

आर्थिक वर्ष २०७१-७२ मा १६ जनाले आत्महत्या गरेकामा आव २०७२-७३ मा यो संख्या बढेर २९ जना पुग्यो । आव २०७३-७४ मा यो संख्या अझै बढेर ३६ पुग्यो । गत आवमा ३१ जनाले आत्महत्या गरेको तथ्याँक छ ।

याे पनि पढ्नुस  गजबको संयोग, बैतडी माओवादीबाट बाबुछोरी चुवाबमा प्रतिस्पर्धा गर्दै

जिप्रकाका प्रहरी प्रवक्ता कान्तिराज जोशीका अनुसार चालु आवको आजको दिनसम्म ३ जनाले आत्महत्या गरी मृत्युवरण गरेका छन् ।

बैतडीमा आत्महत्या गर्नेको संख्या डरलाग्दो देखिएकाले सचेतना कार्यक्रम सञ्चालन गर्नुपर्ने खाँचो रहेको विज्ञहरु बताउँछन् ।

बैतडीका प्रमुख जिल्ला अधिकारी चन्द्रप्रसाद गैह्रेले आत्महत्या मानसिक असन्तुलनको उपज भएकाले यसको रोकथामका लागि परिवारको सहयोग जरुरी हुने बताउँछन् । उनी भन्छन्– “घरेलु हिंसा न्यून गर्न सकिए आत्महत्याको दर पनि घट्छ । यसको रोकथाम गर्नु समग्र समाजको दायित्व भएकाले सबैले आ–आफ्नो क्षेत्रबाट भूमिका निर्वाह गर्नुुपर्छ ।”

याे पनि पढ्नुस  बैतडीको त्रिपुरासुन्दरी लगायतका शक्तिपीठमा यसरी मनाइयो दशैँ

आत्महत्याका घटना बढ्नु जानाका मुख्य कारण तनाव भएको मनोविज्ञान सम्प्रदाय नेपाल (टिपस)का डा नरेन्द्र ठगुन्ना बताउँछन् । उनी आत्महत्याको घटनामा कमी ल्याउन विद्यालयस्तरदेखि नै मनोशिक्षाको अध्यापन गराउनुपर्ने विचार राखेका छन् । टिपसका अनुसार देशभर आव २०७४-७५ मा ५ हजार ३४६ जनाले आत्महत्या गरेका थिए । रासस

कमेन्ट गर्नुहोस्