असोज ५ गतेदेखि सबै हलहरुमा ‘धूम ३’ प्रदर्शनमा, सेन्सर बोर्डले दियो पिजी सर्टिफिकेट

काठमाडौं । नायक जयकिशन बस्नेतको लेखन, निर्माण, निर्देशन र मुख्य अभिनय समेत रहेको नेपाली कथानक चलचित्र धूम ३ ले पिजी सर्टिफिकेट पाएको छ ।

यही असोज ५ गते शुक्रबारदेखि सबै हलहरुमा रिलिजको तयारीमा रहेको यस चलचित्रलाई केन्द्रीय चलचित्र जाँच समितिले पिजी सर्टिफिकेट दिएको हो । जसले गर्दा १६ वर्षमुनिका दर्शकहरुले यो चलचित्र हेर्न जाँदा अभिभावकसहित जानुपर्ने भएको छ ।

याे पनि पढ्नुस  निर्देशकको चुनौतीमा सफल भइन् नम्रता

जयकिशन बस्नेत फिल्मस् प्रालिको ब्यानरमा निर्माण भएको नेपाली चलचित्र ‘धूम ३’ को प्रस्तुतकर्तामा जाहन्बी बस्नेत र ब्रबिम बस्नेत रहेका छन् भने टंक बुढाथोकी र ओम सुनारको संगीत, जीवन श्रेष्ठको छायाँकन, हिमाल केसी द्वन्द, तुलसी बाँस्कोटाको सम्पादन एवम जयकिशन बस्नेत र शिव बि।क।को नृत्य निर्देशन रहेको छ ।

याे पनि पढ्नुस  ‘पलाँट’ काे नयाँ गीतको भिडियो रिलिज, रेखा र आयुबको रोमान्स

हजारौंको संख्यामा ट्रोलहरु बनाएर सामाजिक सञ्जालहरुमा ब्यापक चर्चा बटुलिरहेको यस चलचित्रमा जयकिशन बस्नेतसहित एलिना रायमाझी, लय संग्रौला, शोभित बस्नेत, उत्तम केसी, सपना श्रेष्ठ, सुरबिर पण्डितलगायतका कलाकारहरुले अभिनय गरेका छन् ।

अघिल्लो वर्ष प्रदर्शनमा आएको चलचित्र धूम २ ले समेत सोचेको भन्दा राम्रो ब्यापार गरेकोले धूम ३ बाट अझ धेरै आशावादी भएको नायक तथा निर्देशक बस्नेतले बताएका छन् । ‘काल्पनिक नाटकीय ढर्राभन्दा पनि मानवीय जिवनका यथार्थ दैनिकीमा आधारित रहेर चलचित्रको निर्माण गरिएकोले गर्दा पनि आम दर्शकहरुले चलचित्रलाई माया गर्नेछन्, उनको भनाई रहेको छ ।

कमेन्ट गर्नुहोस्