नवलपरासीमा यात्रुवाहक बस दुर्घटना, ३२ जना घाइते

कावासोती, असोज ५ । पूर्व-पश्चिम राजमार्गअन्तर्गत नवलपरासीको मध्यविन्दु नगरपालिका-११ कुसुण्डेमा रात्रिबस दुर्घटना हुँदा ३२ यात्रु घाइते भएका छन् ।

 

काठमाडौंदेखि दाङका लागि छुटेको ना६ख ९२८ नं को यात्रुवाहक बस गए राति विपरीत दिशाबाट आउँदै गरेको आरजे १४ जिसी ३८४९ नं को भारतीय ट्रकसँग जुझ्दा बस सडकदेखि ५० मिटर तल खसेको थियो । बसमा कम्तीमा ६० यात्रु सवार रहेको जिल्ला प्रहरी कार्यालयले जनाएको छ ।

याे पनि पढ्नुस  मकवानपुरमा जन्ती बोकेको बस दुर्घटना, २ जनाको मृत्यु

 

घाइतेमध्ये १३ जनाको पुरानो मेडिकल कलेज भरतपुरमा उपचार भइरहेको छ भने अन्य १९ को स्थानीय मेडिकलमा उपचार भइरहेको छ । दुर्घटनास्थलमा अहिले राजमार्ग एकतर्फी रूपमा सञ्चालनमा रहेको प्रहरीले जनाएको छ । -रासस

कमेन्ट गर्नुहोस्